Зебур 144 - Мукъаддес Китап

Макътав гимни Алеф

Давутнынъ макътав йыры.
Алеф

¹ Эй, Аллам, эй, Падишам! Сени юксельтирим, Адынъны эбедий алгъышларым!

Беит

Беит

² Сени эр кунь алгъышларым, Адынъны эбедий макътарым!

Гимел

Гимел

³ РАББИ улудыр, О, чокъ макътавгъа ляйыкътыр, Онынъ улулыгъына акъыл етмез!

Далет

Далет

⁴ Бир несиль башкъа несильге Сенинъ ишлеринъни макътар, Сенинъ къудретинъ акъкъында айтарлар.

Хе

Хе

⁵ Сенинъ буюклигинъ, шан-шуретинъ, аджайип ишлеринъ акъкъында тюшюнирим!

Вав

Вав

⁶ Къоркъунчлы ишлеринънинъ къудрети акъкъында айтарлар. Сенинъ улулыгъынъны айтып берерим!

Зайин

Зайин

⁷ Буюк эйилигинъни хатырлап бильдирирлер, Сенинъ адалетинъе йырлар айтарлар!

Хет

Хет

⁸ РАББИ мераметли ве шефкъатлы! О, пек сабырлы! Севгиси буюк!

Тет

Тет

⁹ РАББИ эр бир инсангъа хайырлыдыр! Онынъ шефкъаты бутюн ишлериндедир!

Ёд

Ёд

¹⁰ Я РАББИ! Бутюн яраткъанларынъ Санъа шукюр этер! Азизлеринъ Сени алгъышлар!

Каф

Каф

^11-12 Инсан огъулларына Сенинъ къудретинъни ве шан-шуретли Падишалыгъынъны бильдирмек ичюн, Падишалыгъынънынъ шурети акъкъында айтарлар, кучь-къудретинъ акъкъында икяе этерлер!

Ламет Мим

Мим

¹³ Сенинъ Падишалыгъынъ – эбедий Падишалыкътыр, несильден несильге Сен – Укюмдарсынъ.

Самек

Самек

¹⁴ Эр бир йыкъылгъангъа РАББИ – аркъа, эр бир бели букюльгенни О, котерип тура.

Айин

Айин

¹⁵ Эписининъ козьлери Санъа беклеп бакъа, озь вакътында оларнынъ ашыны Сен бересинъ.

Пе

Пе

¹⁶ Сен къолунъны ачасынъ да, бутюн джанлыларны истегени къадар тойдурасынъ.

Саде

Саде

¹⁷ РАББИ бутюн арекетлеринде адалетлидир! Бутюн ишлеринде О, эйидир!

Коф

Коф

¹⁸ РАББИни чагъыргъангъа, Оны ишанчнен чагъыргъан эр бир инсангъа якъындыр О.

Реш

Реш

¹⁹ Ондан къоркъкъанларнынъ истегини О, беджерир, агълап имдат истегенлерни эшитир ве оларны къуртарыр!

Шин

Шин

²⁰ РАББИни севген эр кесни О, къорчалай, ярамайларнынъ эписини исе ёкъ этер.

Тав

Тав

²¹ Тилим РАББИге макътавлар айтар, бутюн яшагъанлар Онынъ мукъаддес Адыны эбедиен алгъышлар!