Зебур 137 - Мукъаддес Китап

Шукюр дувасы

Давутнынъ йыры.

¹ Бутюн юрегимден Сени алгъышларым, аллалар огюнде Санъа йырларым!

² Мукъаддес Сарайынънынъ тарафына бель букерим. Сенинъ буюк севгинъ ве акъикъатынъ ичюн Сенинъ Адынъны алгъышларым, чюнки Сен Озь Сёзюнъни бутюн Намынъдан улу яптынъ.

³ Мен Сени чагъыргъан куню Сен манъа джевапландынъ, меним джаныма кучь-къувет бердинъ.

⁴ Я РАББИ, агъзынъдан чыкъкъан сёзлеринъни эшиткенде, ер юзюнинъ падишалары эписи Сени алгъышлар

⁵ ве РАББИнинъ ёллары акъкъында йырлар. РАББИнинъ шурети улудыр!

⁶ РАББИ юксекте олып, ювашларгъа бакъар, къопайларны исе узакътан таныр.

⁷ Белялар ичинде юрсем де, Сен меним рухумны котерирсинъ, душманларымнынъ гъазабына къаршы къол котерирсинъ, онъ къолунънен мени къуртарырсынъ.

⁸ РАББИ мен ичюн очь алыр. Сенинъ буюк севгинъ эбедийдир, я РАББИ! Озь яраткъанларынъны къалдырма!