Зебур 132 - Мукъаддес Китап

Агъа-къардаш севгисини алгъышлав

Давутнынъ зиярет йыры.

¹ Не къадар яхшы ве не гузельдир агъа-къардашкъа бирликте яшамакъ!

² О – башына якъылгъан паалы зейтюн ягъы киби, сакъалына, Харуннынъ сакъалына акъып тюшкен, урбасынынъ якъасына акъып тюшкен ягъ кибидир.

³ Шу – Хермон дагъынынъ чыкъы киби, Сион дагъларына тюшкен чыкъ кибидир. Анда РАББИ багъышлавларны берди – эбедий аят акъкъында эмир этти.