Зебур 128 - Мукъаддес Китап

Исраильнинъ душманларыны утандыргъан дува

Зиярет йыры.

¹ – Яшлыгъымдан берли манъа къаршы чокъ дженклешти, – десин Исраиль.

² – Яшлыгъымдан берли манъа къаршы чокъ дженклешти, амма мени енъип оламадылар.

³ Сабанджылар аркъамны сюрдилер, узун баразналар ачтылар.

⁴ РАББИ исе адалетлидир, О, ярамайларнынъ багълавларыны кести.

⁵ Сиондан нефрет эткен эписи, утана-утана къайтып кетерлер!

⁶ Юлкъулмаздан эвель къуруп кеткен, дам устюндеки от киби олурлар!

⁷ Онен не оракъчынынъ авучы, не де культе багълайыджынынъ къучагъы толур.

⁸ Кеткен-кечкенлер де: «РАББИнинъ эйилиги сеннен олсун! РАББИнинъ Адындан сизге эйилик тилеймиз!» – демезлер.