Зебур 127 - Мукъаддес Китап

Раббиден къоркъкъангъа мукяфат

Зиярет йыры.

¹ Не де бахтлыдыр РАББИден къоркъкъан, Онынъ ёлларындан юрген эр бир инсан!

² Къолларынънынъ ишинден ашарсынъ сен. Бахтлысынъ сен, ве яхшылыкъ олсун санъа!

³ Мейва берген юзюм киби апайынъ эвинъдедир, зейтюн пытакълары киби огъулларынъ софранъ этрафындадыр.

⁴ Иште, РАББИден къоркъкъан адам бойле бахтлы олур!

⁵ РАББИ Сиондан санъа эйилик япар, ве сен бутюн омрюнъ девамында Ерусалимнинъ аманлыгъыны корерсинъ,

⁶ огъулларынънынъ огъулларына бакъарсынъ! Исраильге селямет олсун!