Зебур 122 - Мукъаддес Китап

Мерамет дувасы

Зиярет йыры.

¹ Козьлеримни Санъа котердим, эй, Коклерде Отургъан!

² Къул эфендисининъ къолуна бакъкъаны киби, къадын къул – ханымынынъ къолуна бакъкъаны киби, биз де РАББИге бакъармыз, ве О, бизге мерамет этеджек.

³ Бизге мерамет эт, я РАББИ! Бизге мерамет эт! Биз чокъ нефрет корьдик.

⁴ Магърурларнынъ масхарасындан, кибирлилернинъ нефретинден джанымыз тойды!