Зебур 120 - Мукъаддес Китап

Рабби – бизим Къорчалайыджымыз

Зиярет йыры.

¹ Дагъларгъа козьлеримни котеририм, манъа ярдым къайдан келир?

² Ер ве кокни яраткъан РАББИден манъа ярдым келир!

³ Аягъынънынъ таймасына О, ёл бермез, сени Къорчалагъан юкъламаз.

⁴ Исраильнинъ Къорчалайыджысы не юкъусырар да, не юкълар.

⁵ РАББИ – сенинъ Къорчалайыджынъ, сенинъ онъ къолунъ Онынъ имаесинде.

⁶ Куньдюз кунеш сени якъмаз, гедже ай санъа зарар эталмаз.

⁷ РАББИ сени эр бир яманлыкътан сакълар, джанынъны да къорчалар.

⁸ Шимдиден башлап эбедиен РАББИ сени эр бир ишинъде сакълар.