Зебур 111 - Мукъаддес Китап

Раббиден къоркъкъан инсан бахтлыдыр

¹ Эльхамдюлилля! Не де бахтлыдыр РАББИден къоркъкъан, Онынъ эмирлеринде чокъ зевкъ тапкъан адам!

Алеф Беит Гимел

Гимел

² Бу адамнынъ сою ер юзюнде къудретли олур, догъруларнынъ несилини алгъышларлар.

Далет Хе

Хе

³ Боллукъ ве зенгинлик онынъ эвинде, онынъ инсафлыгъы эбедий олур.

Вав Зайин

Зайин

⁴ Догъруларгъа къаранлыкъта да нур сачылыр, мераметли, шефкъатлы ве адалетли о.

Хет Тет

Тет

⁵ Мерамет косьтерген, борджкъа берген, озь ишлерини адалетли япкъан адамгъа яхшылыкъ олур.

Ёд Каф

Каф

⁶ О, ич бир вакъыт сарсылмаз, эбедий яшар адалетли адамнынъ хатырасы.

Ламет Мим

Мим

⁷ Яман хаберден къоркъмаз о, РАББИге умют эте, юреги къавий.

Нун Самек

Самек

⁸ Юреги къавийдир; душманларына бакъып, о, къоркъмаз.

Айин Пе

Пе

⁹ Къолуны ачып ёкъсулларгъа бере, онынъ инсафлыгъы эбедийдир, къудрети шуретте юкселир.

Саде Коф Реш

Реш

¹⁰ Ярамай буны корип гъазапланыр, тишлерини гъыджырдатып озюни ашар, ярамайларнынъ истеги бошуна чыкъар.