Зебур 109 - Мукъаддес Китап

Алла Баба Озь Огълуна мураджаат эте

Давутнынъ зебуры.

¹ РАББИ меним Раббиме айтты: «Душманларынъны аякъларынъ ичюн курсю япмагъанымдже, Меним онъ тарафымда отур!»

² Сенинъ къудрет таягъынъны РАББИ Сиондан узатып йибереджек. Душманларынъ ортасында укюмдар ол!

³ Къудретинъни косьтереджек кунюнде Сенинъ халкъынъ – озь истегенинен чалынгъан азиз къурбан киби, Санъа ишангъан йигитлеринъ – танъ багърындан тюшкен чыкъ кибидир.

⁴ РАББИ ант эткен ве сёзюнден къайтмаз: «Сенинъ унванынъ – Мелкиседекнинъ унваныдыр: Сен эбедий руханий оладжакъсынъ».

⁵ Рабби Сенинъ онъ тарафынъдадыр; гъазабы чыкъкъан куньде О, падишаларны къырып ташлар.

⁶ О, халкъларны суд этер, ер юзю адамларнынъ олюсинен толур, кениш дженк мейданында башлыкъларны къырып ташлар.

⁷ Ёл боюнда, акъкъан сувдан ичип, озь башыны котерип юрер.