Сайылар 33 - Мукъаддес Китап

Исраильнинъ ордулары Ханаан ёлунда

¹ Мусанынъ ве Харуннынъ ёлбашчылыгъында Мысыр топрагъындан орду-орду чыкъкъан Исраиль огъулларынынъ юрюшинде токътагъан ерлери будыр.

² РАББИ буюргъаны киби, Муса юрюшини токъталгъан ерлерине коре язып алды. Юрюш вакътында токътагъан ерлери будыр.

³ Исраиль огъуллары биринджи айда, айнынъ 15-инджи куню, Песахнынъ эртеси куню, эписи мысырлыларнынъ козю огюнде бурун котерип, Раамсестен ёлгъа чыкътылар.

⁴ О вакъыт мысырлылар РАББИ ёкъ эткен биринджи догъгъан балаларыны джыймакъта эдилер. РАББИ оларнынъ аллаларыны да джезалагъан эди.

⁵ Исраиль огъуллары Раамсестен чыкъып, ордуларыны Сукъкъотта ерлештирдилер.

⁶ Сукъкъоттан чыкъып, ордуларыны сахра кенарындаки Этамда ерлештирдилер.

⁷ Этамдан чыкъып, Баал-Цефон огюнде ерлешкен Пи-Хахироткъа чевирдилер ве ордуларыны Мигдол огюнде ерлештирдилер.

⁸ Пи-Хахироттан чыкъып, денъиз ичинден кечтилер ве сахрагъа бардылар. Учь кунь девамында Этам сахрасында юрген сонъ, ордуларыны Марада ерлештирдилер.

⁹ Марадан чыкъып, Элимге кельдилер. Элимде он эки чокъракъ ве етмиш хурма тереги бар эди. Анда олар ордуларыны ерлештирдилер.

¹⁰ Элимден чыкъып, ордуларыны Къызыл денъиз янында ерлештирдилер.

¹¹ Къызыл денъизнинъ янындан чыкъып, ордуларыны Син сахрасында ерлештирдилер.

¹² Син сахрасындан чыкъып, ордуларыны Дофкъада ерлештирдилер.

¹³ Дофкъадан чыкъып, ордуларыны Алуш еринде ерлештирдилер.

¹⁴ Алуштан чыкъып, ордуларыны Рефидимде ерлештирдилер. Анда халкъкъа ичмек ичюн сув ёкъ эди.

¹⁵ Рефидимден чыкъып, ордуларыны Синай сахрасында ерлештирдилер.

¹⁶ Синай сахрасындан чыкъып, ордуларыны Киврот-Хаттаавада ерлештирдилер.

¹⁷ Киврот-Хаттаавадан чыкъып, ордуларыны Хацеротте ерлештирдилер.

¹⁸ Хацероттан чыкъып, ордуларыны Ритмада ерлештирдилер.

¹⁹ Ритмадан чыкъып, ордуларыны Римнон-Парецте ерлештирдилер.

²⁰ Римнон-Парецтен чыкъып, ордуларыны Ливнада ерлештирдилер.

²¹ Ливнадан чыкъып, ордуларыны Риссада ерлештирдилер.

²² Риссадан чыкъып, ордуларыны Кехелатада ерлештирдилер.

²³ Кехелатадан чыкъып, ордуларыны Шафер дагълыгъында ерлештирдилер.

²⁴ Шафер дагълыгъындан чыкъып, ордуларыны Харадада ерлештирдилер.

²⁵ Харададан чыкъып, ордуларыны Макхелотта ерлештирдилер.

²⁶ Макхелоттан чыкъып, ордуларыны Тахатта ерлештирдилер.

²⁷ Тахаттан чыкъып, ордуларыны Терахта ерлештирдилер.

²⁸ Терахтан чыкъып, ордуларыны Миткъада ерлештирдилер.

²⁹ Миткъадан чыкъып, ордуларыны Хашмонада ерлештирдилер.

³⁰ Хашмонадан чыкъып, ордуларыны Мосеротта ерлештирдилер.

³¹ Мосероттан чыкъып, ордуларыны Бене-Яакъанда ерлештирдилер.

³² Бене-Яакъандан чыкъып, ордуларыны Хор-Хаггидгъадда ерлештирдилер.

³³ Хор-Хаггидгъаддан чыкъып, ордуларыны Ётватада ерлештирдилер.

³⁴ Ётватадан чыкъып, ордуларыны Авронада ерлештирдилер.

³⁵ Авронадан чыкъып, ордуларыны Эцион-Геверде ерлештирдилер.

³⁶ Эцион-Геверден чыкъып, ордуларыны Цин сахрасында, яни Къадеште ерлештирдилер.

³⁷ Къадештен чыкъып, ордуларыны Эдом топрагъынынъ сынъырындаки Хор дагълыгъында ерлештирдилер.

³⁸ Руханий Харун, РАББИнинъ буюргъанына коре, Хор дагъына чыкъты ве анда ольди. Бу, Исраиль огъуллары Мысыр топрагъындан чыкъкъан сонъ, 40-ынджы йылында, бешинджи айнынъ биринджи кунюнде олды.

³⁹ Хор дагъында ольгенде, Харун 123 яшында эди.

⁴⁰ О вакъыт ханаанлыларнынъ падишасы Арад (о Негевде, Ханаан топрагъында яшай эди) Исраиль огъулларынынъ кельгенлерини эшитти.

⁴¹ Исраиллилер Хор дагълыгъындан чыкъып, ордуларыны Цалмонада ерлештирдилер.

⁴² Цалмонадан чыкъып, ордуларыны Пунонда ерлештирдилер.

⁴³ Пунондан чыкъып, ордуларыны Овотта ерлештирдилер.

⁴⁴ Овоттан чыкъып, ордуларыны Моавнынъ кенарындаки Ийе-Аваримде ерлештирдилер.

⁴⁵ Ийимден чыкъып, ордуларыны Дивон-Гъадда ерлештирдилер.

⁴⁶ Дивон-Гъаддан чыкъып, ордуларыны Алмон-Дивлатаимде ерлештирдилер.

⁴⁷ Алмон-Дивлатаимден чыкъып, ордуларыны Нево огюнде, Аварим дагълы ерлерде ерлештирдилер.

⁴⁸ Аварим дагълы ерлерден чыкъып, ордуларыны Ерихоннынъ къаршысында, Иордан янында, Моав тегизликлеринде ерлештирдилер.

⁴⁹ Олар ордуларыны Иордан янында, Бет-Ешимоттан Авел-Шиттимгедже, Моав тегизликлеринде ерлештирдилер.

Иордандан кечмезден эвель насиатлар

⁵⁰ Моав тегизликлеринде, Иордан янында, Ерихон къаршысында РАББИ Мусагъа бойле деди:

⁵¹ – Исраиль огъулларына бойле айт: Иордандан Ханаан топрагъына кечкен вакъытта,

⁵² топракъта бутюн яшагъанларны огюнъизден къуваланъыз. Оларнынъ таш путларынынъ эписини ве иритильген маденден япылгъан путларынынъ эписини ёкъ этинъиз, ибадет тёпелерининъ эписини де йыкъынъыз.

⁵³ Топракъны озюнъизге мульк оларакъ алынъыз ве анда ерлешинъиз. Мен бу топракъны сизге мульк оларакъ бердим.

⁵⁴ Топракъны къабилелеринъиз арасында джереп чекип пай этинъиз. Чокъ сайылы къабилеге балабанджа пайны беринъиз, уфакъча союна – уфакъча пайны беринъиз. Кимге къайда джереп чыкъса, онынъ пайы анда олсун. Бабаларынъызнынъ къабилелерине коре озьлеринъизге пай алынъыз.

⁵⁵ Лякин эгер топракъта яшагъанларны къуваламасанъыз, олардан сагъ къалдырылгъан халкъ сизинъ козьлеринъизге ярчыкъ, янбашларынъызгъа тикен оладжакълар, сиз яшайджакъ топракъта олар сизни раатсыз этеджеклер.

⁵⁶ О заман оларгъа япмагъа истеген шейлеримни Мен сизге япаджагъым.