Нун огълу Ехошуа 12 - Мукъаддес Китап

Муса енъген падишалар

¹ Исраиль огъуллары енъген падишалар булардыр (исраиллилер бу падишаларнынъ Иордандан шаркъта яткъан, Арнон дерьясындан башлап Хермон дагъынадже олгъан топракъларыны ве шаркътаки бутюн Араваны озьлерине пай оларакъ алды):

² Аморлыларнынъ падишасы Сихон. О, Хешбон шеэринде яшап, Арнон дерьясынынъ ялысындаки Ароэр шеэринден башлап, аммонлыларнынъ сынъыры олгъан Яббокъ озенинедже укюмдарлыкъ эте эди. Вадийнинъ ортасында ве Гиладнынъ ярысында,

³ Аравадаки шаркъта яткъан Киннерет денъизинедже, шаркъта яткъан Арава денъизинедже (Олю денъизгедже), Бет-Ешимотке кеткен ёл бою, Фисга дагъынынъ этегинде яткъан дженюбий топракълар онынъки эди.

⁴ Онынъ къомшусы Башан падишасы Ог. О, рефалылардан сонъкиси олып, Аштарот ве Эдрей шеэринде яшады.

⁵ О, Хермон ве Салекъа дагъларында, бутюн Башан еринде, гешурлыларнынъ ве маакъалыларнынъ топрагъынадже, Гиладнынъ ярысында, Хешбон падишасы Сихоннынъ сынъырынадже укюмдарлыкъ эте эди.

⁶ РАББИнинъ къулу Муса ве Исраиль огъуллары оларны ольдюрдилер. РАББИнинъ къулу Муса оларнынъ топракъларыны рубенлилерге, гъадлыларгъа ве Менашше къабилесининъ ярысына оларнынъ пайы оларакъ берди.

Нун огълу Ехошуа енъген падишалар

⁷ Ехошуа ве Исраиль огъуллары Иорданнынъ гъарбий тарафында енъген падишалар булардыр (Ехошуа Ливан вадийиндеки Баал-Гъаддан башлап, Сеирге узангъан Халакъ дагъынадже олгъан топракъларны Исраиль къабилелерине болюнмелерине коре берди:

⁸ дагъларда, алчакълыкъта яткъан топракъларда, Арава еринде, дагъларнынъ этеклеринде, сахрада, Негев еринде, хитлилернинъ, аморлыларнынъ, ханаанлыларнынъ, перизлилернинъ, хивлилернинъ ве евуслыларнынъ топракъларында):

⁹ бир Ерихон падишасы, Бет-Эль янында олгъан бир Ай падишасы,

¹⁰ бир Ерусалим падишасы, бир Хеврон падишасы,

¹¹ бир Ярмут падишасы, бир Лакиш падишасы,

¹² бир Эглон падишасы, бир Гезер падишасы,

¹³ бир Девир падишасы, бир Гедер падишасы,

¹⁴ бир Хорма падишасы, бир Арад падишасы,

¹⁵ бир Ливна падишасы, бир Адуллам падишасы,

¹⁶ бир Маккеда падишасы, бир Бет-Эль падишасы,

¹⁷ бир Таппуах падишасы, бир Хефер падишасы,

¹⁸ бир Афек падишасы, бир Лашарон падишасы,

¹⁹ бир Мадон падишасы, бир Хацор падишасы,

²⁰ бир Шимрон-Мерон падишасы, бир Акъшаф падишасы,

²¹ бир Таанакъ падишасы, бир Мегиддо падишасы,

²² бир Кедеш падишасы, Къармел янындаки бир Ёкънеам падишасы,

²³ Нафат-Дор янындаки бир Дор падишасы, Гилгал янындаки бир Гоим падишасы,

²⁴ бир Тирца падишасы, – джеми олып отуз бир падиша.