Нехемья 11 - Мукъаддес Китап

Ерусалим сакинлери

¹ Халкънынъ башлыкълары Ерусалимде яшай эдилер. Къалгъан халкъ исе джереп чекти, ве джерепке коре халкънынъ онда бир къысмы мукъаддес шеэрге Ерусалимге яшамагъа кетти, башкъа докъуз къысмы исе озь шеэрлеринде къалдылар.

² Озь истегинен Ерусалимде яшамагъа разы олгъанларны халкъ макътады.

³ Ерусалимде яшагъан виляет башлыкълары будыр. Исраиллилер, руханийлер, левийлилер, Сарай хызметчилери ве Сулейман къулларынынъ эвлятлары Ехуда шеэрлеринде, эр бири озь еринде, озь шеэрлеринде яшай эди.

⁴ Ехуда огъуллары ве Биньямин огъуллары исе Ерусалимде яшай эдилер. Ехуда огъуллары: Атая (Атая – Уззиянынъ огълу, Уззия – Зекъарьянынъ огълу, Зекъарья – Амарьянынъ огълу, Амарья – Шефатьянынъ огълу, Шефатья – Махалалэлнинъ огълу, Махалалэл – Перец огъулларындан эди),

⁵ Маасея (Маасея – Барукънынъ огълу, Барукъ – Кол-Хозенинъ огълу, Кол-Хозе – Хазаянынъ огълу, Хазая – Адаянынъ огълу, Адая – Ёяривнинъ огълу, Ёярив – Зекъарьянынъ огълу, Зекъарья – шилолынынъ огълу эди).

⁶ Эписи оларакъ Ерусалимде Перецнинъ огъулларындан 468 кучьлю адам яшай эди.

⁷ Биньямин огъуллары будыр: Саллу (Саллу – Мешулламнынъ огълу, Мешуллам – Ёэднинъ огълу, Ёэд – Педаянынъ огълу, Педая – Къолаянынъ огълу, Къолая – Маасеянынъ огълу, Маасея – Итиэлнинъ огълу, Итиэл – Ешаянынъ огълу эди).

⁸ Ондан сонъ Гъаббай ве Саллай, эписи оларакъ 928 адам.

⁹ Зикрийнинъ огълу Ёэль оларнынъ башлыгъы эди, Хассенуанынъ огълу Ехуда исе шеэрнинъ экинджи башлыгъы эди.

¹⁰ Руханийлерден: Ёяривнинъ огълу Едая, Якин,

¹¹ Алланынъ Эвинде башлыкъ япкъан Серая (Серая – Хилкиянынъ огълу, Хилкия – Мешулламнынъ огълу, Мешуллам – Цадокънынъ огълу, Цадокъ – Мераётнынъ огълу, Мераёт – Ахитувнынъ огълу эди)

¹² ве Алланынъ Эвинде хызмет эткен оларнынъ къардашлары – эписи оларакъ 822 адам; Адая (Адая – Ерохамнынъ огълу, Ерохам – Пелальянынъ огълу, Пелалья – Амцийнинъ огълу, Амций – Зекъарьянынъ огълу, Зекъарья – Пашхурнынъ огълу, Пашхур – Малкиянынъ огълу эди)

¹³ ве онынъ къардашлары, сой башлыкълары – эписи оларакъ 242 адам; Амашсай (Амашсай – Азарелнинъ огълу, Азарел – Ахцайнынъ огълу, Ахцай – Мешиллемотнинъ огълу, Мешиллемот – Иммернинъ огълу эди)

¹⁴ ве оларнынъ къардашлары – 128 джесюр адам. Оларнынъ башында Хаггедолимнинъ огълу Завдиэл эди.

¹⁵ Левийлилерден: Шемая (Шемая – Хашшувнынъ огълу, Хашшув – Азрикъамнынъ огълу, Азрикъам – Хашавьянынъ огълу, Хашавья – Буннийнинъ огълу эди),

¹⁶ Алланынъ Эвинден тышкъы олгъан ишлер боюнджа левийлилернинъ башлыкълары Шаббетай ве Ёзавад,

¹⁷ дува кечиргенде шукюрлер окъугъанларнынъ башлыгъы Маттанья (Маттанья – Микъанынъ огълу, Микъа – Завдийнинъ огълу, Завдий – Асафнынъ огълу эди) ве онынъ экинджи къардашы Бакъбукъя, Авда (Авда – Шаммуанынъ огълу, Шаммуа – Гъалалнынъ огълу, Гъалал – Едутуннынъ огълу эди).

¹⁸ Мукъаддес шеэриндеки яшагъан левийлилер – эписи оларакъ 284 адам.

¹⁹ Къапуджылар: Акъкъув, Талмон ве оларнынъ агъа-къардашлары. Олар къапуларда къаравуллыкъ эте эдилер. Эписи оларакъ 172 адам.

Башкъа шеэрлернинъ сакинлери

²⁰ Къалгъан исраиллилер, руханийлер ве левийлилер Ехуданынъ эписи шеэрлеринде, озь топракъ пайында яшай эдилер.

²¹ Сарай хызметчилери Офелде яшай эдилер. Циха ве Гишпа оларнынъ башлыкълары эди.

²² Ерусалимдеки левийлилернинъ башлыгъы Уззий эди. Уззий – Банийнинъ огълу, Баний – Хашавьянынъ огълу, Хашавья – Маттаньянынъ огълу, Маттанья – Микъанынъ огълу, Микъа – Асаф огъулларындан, Алланынъ Эвинде хызмет эткен йырджылардан эди.

²³ Падиша оларнынъ акъкъында айры бир эмир чыкъарды, ве йырджыларгъа куньделик хызмет бельгиленген эди.

²⁴ Петахья халкънен багълы олгъан чешит ишлер боюнджа падишанынъ ярдымджысы эди. (Петахья – Мешезавелнинъ огълу, Мешезавел – Зерахнынъ огъулларындан бири, Зерах – Ехуданынъ огълу эди.)

²⁵ Кой ерлеринде Ехуда огъуллары Кирьят-Арба шеэринде ве этрафындаки койлерде, Дивон шеэринде ве этрафындаки койлерде, Екъавцеэл шеэринде ве этрафындаки койлерде,

²⁶ Ешуа шеэринде, Молада шеэринде ве Бет-Пелет шеэринде,

²⁷ Хацар-Шуал шеэринде, Беэр-Шева шеэринде ве этрафындаки койлерде,

²⁸ Цикълагъ шеэринде, Мекона шеэринде ве этрафындаки койлерде,

²⁹ Эн-Риммон, Цора, Ярмут шеэрлеринде,

³⁰ Заноах шеэринде, Адуллам шеэринде ве этрафындаки койлерде, Лакиш ве онынъ тарлаларында, Азекъа шеэринде ве этрафындаки койлерде ерлешкен эдилер. Ехудалылар Беэр-Шевадан Хинном вадийинедже ерлештилер.

³¹ Биньямин огъуллары Гева шеэринден башлап, Микмас шеэринде, Айя шеэринде, Бет-Эль шеэринде ве этрафындаки койлерде,

³² Анатот, Нов, Ананья шеэрлеринде,

³³ Хацор, Рама, Гиттаим шеэрлеринде,

³⁴ Хадид, Цевоим, Неваллат шеэрлеринде,

³⁵ Лод шеэринде, Оно шеэринде ве Зенаатчылар вадийинде ерлештилер.

³⁶ Базы левийлилер Ехуда ве Биньямин топракъларында ерлештилер.