Нехемья 10 - Мукъаддес Китап

¹ Озь муурьлерини баскъанлар: Хакальянынъ огълу Нехемья аким ве Цидкия,

² Серая, Азарья, Йирмея,

³ Пашхур, Амарья, Малкия,

⁴ Хаттуш, Шеванья, Маллукъ,

⁵ Харим, Меремот, Овадья,

⁶ Даниял, Гиннетон, Барукъ,

⁷ Мешуллам, Авия, Миямин,

⁸ Маазья, Билгъай, Шемая. Булар – руханийлердир.

⁹ Левийлилер: Азаньянынъ огълу Ешуа, Хенададнынъ огъулларындан Биннуй, Къадмиэл,

¹⁰ оларнынъ къардашлары: Шеванья, Ходия, Келита, Пелая, Ханан,

¹¹ Микъа, Рехов, Хашавья,

¹² Закъкъур, Шеревья, Шеванья,

¹³ Ходия, Баний, Бенину.

¹⁴ Халкъ башлыкълары: Парош, Пахат-Моав, Элам, Затту, Баний,

¹⁵ Бунний, Азгъад, Бевай,

¹⁶ Адонья, Бигвай, Адин,

¹⁷ Атер, Хизкия, Аззур,

¹⁸ Ходия, Хашум, Бецай,

¹⁹ Хариф, Анатот, Невай,

²⁰ Магпиаш, Мешуллам, Хезир,

²¹ Мешезавел, Цадокъ, Яддуа,

²² Пелатья, Ханан, Аная,

²³ Хошеа, Хананья, Хашшув,

²⁴ Халлохеш, Пилха, Шовек,

²⁵ Рехум, Хашавна, Маасея,

²⁶ Ахия, Ханан, Анан,

²⁷ Маллукъ, Харим, Баана.

²⁸ Къалгъан халкъ: руханийлер, левийлилер, къапуджылар, йырджылар, Сарай хызметчилери, чешит халкълардан айырылгъан ве Алланынъ Къанунына къошулгъанларнынъ эписи, оларнынъ апайлары, огъуллары ве къызлары, – олып кечкенни анълагъан эр бир адам

²⁹ озь агъа-къардашларына, оларнынъ энъ урьметли сойларына къошулдылар ве Алланынъ къулу Мусанен берильген Къанунгъа коре яшамагъа, РАББИ-Таалямызнынъ эмирлерини, къарарларыны ве низамнамелерини тутмагъа ве беджермеге ант эттилер ве озьлерини еминнен багъладылар.

³⁰ – Мемлекетнинъ башкъа халкъларына къызларымызны бермемеге ве оларнынъ къызларыны огъулларымызгъа алмамагъа сёз беремиз.

³¹ Эгер мемлекетнинъ башкъа халкълары раатлыкъ кунюнде бизге сатыладжакъ маллар ве ашлыкъ кетирсе, биз раатлыкъ кунюнде я да азиз бир куньде шу малларны сатын алмайджакъмыз. Эр единджи йылы топракъны ишлетмейджекмиз ве эр тюрлю борджларны багъышлайджакъмыз.

³² Эр бир йылда кумюшнинъ учьте бирини тёлемеге сёз беремиз. Бу параларны биз Алланынъ Эвиндеки хызмети ичюн,

³³ теклиф пителери ичюн, эр вакъыттаки ашлыкъ бахшышлары ве эр вакъыттаки бутюнлей якъыладжакъ къурбанлар ичюн, раатлыкъ куньлери, янъы ай куньлери ве байрам куньлери ичюн, азизликлер ичюн, Исраиль ичюн одеме этмеге гуналар къурбанлары ичюн ве Алламызнынъ Эвиндеки бутюн ишлер ичюн беремиз.

³⁴ Биз – руханийлер, левийлилер ве халкъ – ким одунлар кетиреджек акъкъында джереп чектик. Къанунда язылгъанына коре Алламыз РАББИнинъ къурбан еринде одунлар янсын деп, эр йыл Алламызнынъ Эвине оларны кетирмеге къоранталаргъа невбет вакътыны тайинледик.

³⁵ Эр йыл РАББИнинъ Эвине топрагъымызнынъ биринджи махсулыны ве эр терекнинъ биринджи махсулыны кетирмеге сёз беремиз.

³⁶ Къанунда язылгъаны киби, Алламызнынъ Эвине, анда хызмет эткен руханийлерге биринджи догъгъан огъулларымызны, айванларымызны, биринджи догъгъан тувар ве къой-эчкилеримизни кетирмеге сёз беремиз.

³⁷ Булардан гъайры, чекильген уннынъ биринджисини, ашлыкъ бахшышларымызны, эр бир терек махсулларынынъ биринджисини, шарап ве зейтюн ягъынынъ биринджисини руханийлеримизге Алланынъ Эвиндеки ханелерге кетиреджекмиз, топракъ махсулларынынъ онда бир пайыны левийлилерге береджекмиз. Левийлилер топракъны ишлеген эр бир шеэримизден онда бир пайыны алсынлар.

³⁸ Левийлилер онда бир пайыны алаяткъанда, оларнынъ янында Харуннынъ союндан бир руханий олсун. Сонъ левийлилер озь пайындан онда бир пайыны Алламызнынъ Эвине, анбар оларакъ айырылгъан ханелерге кетирсинлер.

³⁹ Бу ханелерге эм левийлилер, эм Исраиль халкъы бахшыш оларакъ берильген ашлыкъ, янъы шарап ве зейтюн ягъыны алып кетирмек кереклер. Анда Азиз Ернинъ савутлары сакъланалар, анда да хызмет эткен руханийлер, къапуджылар ве йырджылар отуралар. Биз Алламызнынъ Эвини ташламайджакъмыз!