Башланув 36 - Мукъаддес Китап

Исавнынъ эвлятлары

¹ Мына Исав, я да Эдом, ве онынъ эвлятлары акъкъында ривает.

² Исав ханаанлы къызларындан озюне апайлар алды: хитли Элоннынъ къызы Аданы ве хивли Цивоннынъ къыз торуны, Ананынъ къызы Охоливаманы.

³ Исав Исмаилнинъ къызы, Невайотнынъ татасы Басематкъа да эвленди.

⁴ Ада Исавгъа Элифазны догъды, Басемат – Реуэлни,

⁵ Охоливама – Еуш, Ялам ве Къорахны догъды. Бу – Исавнынъ Ханаан топрагъында догъгъан огъуллары.

⁶ Исав озюнинъ апайларыны, огъулларыны, къызларыны, эвиндеки эписи адамларны, эписи сюрюлерни, эписи айванларны ве Ханаан топрагъында ишлеп тапкъан бутюн барлыкъ-вариетини алып, къардашы Якъуптан башкъа мемлекетке кетти.

⁷ Оларнынъ барлыкъ-вариети пек чокъ олды, ве оларгъа берабер яшамакъ ичюн ер тарлыкъ этти. Сюрюлери буюк олгъанлары ичюн, олар долашкъан ер оларны сыгъдырамай эди.

⁸ Исав яшамакъ ичюн Сеир деген дагълы топрагъында ерлешти. Исав – бу Эдом.

⁹ Мына эдомлыларнынъ бабасы-дедеси олгъан, Сеир деген дагълы топрагъында яшагъан Исав ве онынъ эвлятлары акъкъында ривает.

¹⁰ Мына Исав огъулларынынъ адлары. Исавнынъ апайы Аданынъ огълу Элифаз ве Исавнынъ апайы Басематнынъ огълу Реуэл.

¹¹ Элифазнынъ огъуллары: Теман, Омар, Цефо, Гъатам ве Кеназ.

¹² Тимна Исавнынъ огълу Элифазнынъ джариеси эди, онъа Амалекни догъды. Бу – Исавнынъ апайы Аданынъ огъуллары.

¹³ Мына Реуэлнинъ огъуллары: Нахат, Зерах, Шамма ве Мизза. Бу – Исавнынъ апайы олгъан Басематнынъ огъуллары.

¹⁴ Мына Цивоннынъ къыз торуны, Ананынъ къызы Охоливаманынъ, Исавнынъ апайынынъ огъуллары: Еуш, Ялам ве Къорах. Охоливама оларны Исавгъа догъды.

¹⁵ Мына Исав огъулларынынъ къабилелери. Исавнынъ биринджи догъгъан огълу Элифазнынъ огъуллары будыр: Теман къабилеси, Омар къабилеси, Цефо къабилеси, Кеназ къабилеси,

¹⁶ Къорах къабилеси, Гъатам къабилеси ве Амалек къабилеси. Бу Эдом топрагъында олгъан Элифазнынъ къабилелери. Мына Аданынъ огъуллары.

¹⁷ Мына Исавнынъ огълу Реуэлнинъ огъуллары: Нахат къабилеси, Зерах къабилеси, Шамма къабилеси ве Мизза къабилеси. Бу – Эдом топрагъында олгъан Реуэлнинъ къабилелери, олар Исавнынъ апайы Басематнынъ огъулларыдыр.

¹⁸ Мына Исавнынъ апайы Охоливаманынъ огъуллары: Еуш къабилеси, Ялам къабилеси ве Къорах къабилеси. Булар – Исавнынъ апайы, Ананынъ къызы олгъан Охоливаманынъ къабилелери.

¹⁹ Будыр Исавнынъ, я да Эдомнынъ, огъуллары ве будыр – оларнынъ къабилелери.

Сеирнинъ эвлятлары

²⁰ Мына бу – топракъта яшагъан хорлу Сеирнинъ огъуллары: Лотан, Шовал, Цивон, Ана,

²¹ Дишон, Эцер ве Дишан. Бу – Эдом топрагъында олгъан Сеир огъулларынынъ, хорлуларнынъ къабилелери.

²² Лотаннынъ огъуллары: Хорий ве Хомам. Лотаннынъ къызкъардашы Тимна эди.

²³ Шовалнынъ огъуллары: Алван, Манахат, Эвал, Шефо ве Онам.

²⁴ Цивоннынъ огъуллары: Айя ве Ана. Бу анавы, бабасы Цивоннынъ эшеклерини бакъкъанда сахрада сыджакъ сув тапкъан Анадыр.

²⁵ Ананынъ балалары: Дишон ве Ананынъ къызы Охоливама.

²⁶ Дишоннынъ огъуллары: Хемдан, Эшбан, Йитран ве Керан.

²⁷ Эцернинъ огъуллары: Билхан, Зааван ве Акъан.

²⁸ Дишаннынъ огъуллары: Уц ве Аран.

²⁹ Хорлуларнынъ къабилелери будыр: Лотан къабилеси, Шовал къабилеси, Цивон къабилеси, Ана къабилеси,

³⁰ Дишон къабилеси, Эцер къабилеси ве Дишан къабилеси. Будыр – Сеир топрагъында олгъан, къабилелерине коре хорлуларнынъ къабилелери.

Эдомнынъ падишалары

³¹ Исраиль огъулларынынъ падишалары падишалыкъ эткенлеринден эвель, Эдом мемлекетинде падишалыкъ эткен падишалар будыр:

³² Эдомда Беорнынъ огълу Бела падишалыкъ эте эди, онынъ шеэри Динхава деп адлана эди.

³³ Бела кечинген сонъ, онынъ ерине Боцрадан олгъан, Зерахнынъ огълу Ёвав падиша олды.

³⁴ Ёвав кечинген сонъ, онынъ ерине теманлыларнынъ мемлекетинден олгъан Хушам падиша олды.

³⁵ Хушам кечинген сонъ, онынъ ерине Бедаднынъ огълу олгъан, Моав топрагъында мидьянлыларны ургъан Хадад падиша олды, онынъ шеэри Авит деп адлана эди.

³⁶ Хадад кечинген сонъ, онынъ ерине Масрекъадан олгъан Самла падиша олды.

³⁷ Самла кечинген сонъ, онынъ ерине дерьянынъ ялысындаки Реховоттан олгъан Шаул падиша олды.

³⁸ Шаул кечинген сонъ, онынъ ерине Акъборнынъ огълу Баал-Ханан падиша олды.

³⁹ Акъборнынъ огълу Баал-Ханан кечинген сонъ, онынъ ерине Хадар падиша олды. Онынъ шеэри Пау деп адлана эди. Онынъ апайы, Ме-Захавнынъ къыз торуны, Матреднинъ къызы Мехетавель эди.

⁴⁰ Мына сойларына, яшагъан ерлерине ве адларына коре Исав къабилелерининъ адлары: акъсакъал Тимна, акъсакъал Алва, акъсакъал Етет,

⁴¹ Охоливама къабилеси, Эла къабилеси, Пинон къабилеси,

⁴² Кеназ къабилеси, Теман къабилеси, Мивцар къабилеси,

⁴³ Магдиэл къабилеси ве Ирам къабилеси. Будыр – олар саип олгъан топракъларында, яшагъан ерлерине коре Эдомнынъ къабилелери. Будыр Исав, эдомлыларнынъ бабасы-дедеси.