Salmos 93 - Chuj San Sebastian Bible

SALMO 93 A Jehová Rey toni

¹ Mamin Jehová Reych xoni, a 'a tzictznial, a chi 'icha to 'aych a pichloc. Ax a poder, 'icha to oyn 'och 'ayach. Ach b'ojnac yolyib'n̈q'uinl tic, yuj cha, matz 'ib'xi.

² Mamin, toxn to 'aych 'ec' yet' opiso; toxn to 'aych xon 'eq'ui.

³ Mamin Jehová, a eb' a mar, checl sc'an̈ eb' a', tzlaj q'ue wan chel-loc eb' a 'a yet'ul.

⁴ Ach xo tic Mamin, 'aj satchan̈ ach, 'ec'b'al a poder 'a yib'n̈ eb' a mar cha yic tzcot yowl eb' a'.

⁵ Mamin Jehová, a wal jun tzo'n̈ a paxti tic, caw wal 'ay yip 'a jun 'ejmn̈ej. A atut niwn yel'chi yujto ecn̈ej yaj 'a smasnil tiempo.