Salmos 87 - Chuj San Sebastian Bible

SALMO 87 Alj wach' paxti 'a schon̈b' Dios

Sb'it eb' yin̈tl Coré jun tic

¹ A yipnub' yich schon̈b' Dios, ata te'n 'ejm 'a yib'n̈ eb' lum tzaln 'aj tz'och 'emmquilal.

² Yel xo wal tzchamc'ojlej Jehová chon̈b' Sión 'a yib'n̈ jun tzo'n̈ xo schon̈b' eb' yin̈tl Jacob.

³ Man̈x jantcoc wach' paxti tzyal 'a yib'n̈ schon̈ab'.

⁴ A tzaln 'ixtic: Locn eb' 'aj Egipto yet' eb' 'aj Babilonia 'aych 'a scal eb' chon̈b' tzyac' 'ejm sb'a 'ayin. 'Icha wal eb' 'aljnac 'a chon̈b' Sión, 'ixta pax yaj eb' filisteo, eb' 'aj Tiro, yet' eb' 'aj Etiopía 'a in sat, xchi.

⁵ 'Ixtc wal 'oj 'aj yalx yuj chon̈b' Sión: A jun tic yet' junx chon̈b' cha, ata 'elncta eb' 'a Sión, 'oj schic eb'. Ax Dios yel xo wal niwn yel'chi, a 'oj wach' b'onc jun chon̈b' tic.

⁶ Tz'ib'b'il yuj Jehová 'a yol slibro, 'a 'aj checl yaj sb'i eb' lum chon̈b' cha: A 'a Sión, ata 'elncta jun chon̈b' tic, xchi.

⁷ Ax eb' tzb'itni yet' eb' tzsonni, 'oj yal eb' 'ixtic: A smasnil tas wach' 'ay 'ayn̈ec, ata tzcot 'a Sión, 'oj schic eb'.