Salmos 82 - Chuj San Sebastian Bible

SALMO 82 A Dios a sat yaj 'a eb' juez

Sb'it win Asaf jun tic

¹ A Dios 'ayc' 'a scal syamnil eb' 'ay yopiso, xb'eyc'ojlwi 'a scal eb'.

² Xyaln 'ixtc 'a eb': ¿B'a'n̈ to wal tzeyactj e coln eb' 'anma maysch'olnil tas tzb'o'o? 'In ata tzeya'ch e b'a yet' eb' maysch'olnil cha.

³ Colc 'el eb' may yip yet' eb' meb'a 'unn chamnc smam. Wach' tzeyutj e b'onyaj eb' cusc'ojlal yaji, yet' eb' meb'a'.

⁴ Colc 'el eb' may yip yet' eb' meb'a 'a yol sc'ab' eb' maysch'olnil snab'en cha.

⁵ Palta ax tic, matz nachj 'el eyu'uj, caw may e nab'en; 'icha to a 'a q'uic'q'uinl tzex b'eyi. C'uxn tzsatl tojlal eyu'uj.

⁶ 'Ix wal 'ayex to ax tic dios ex, yujto wunnalx an Dios in tic, to Cojxn in Niwn Wel'chi.

⁷ Palta ax ticnec, 'oj e cham 'icha tz'aj scham eb' 'anma smasnil, 'icha tz'aj slajw 'el jun tzo'n̈ xo eb' yajal, 'ixta 'oj eyaji, xchi Dios.

⁸ Ach qui Diosal on̈, cotan̈ wul b'eyc'ojlej eb' 'anma cajn 'a sat lum lum tic, yujto ach 'ay ec smasnil nacion̈ 'ay 'a yolyib'n̈q'uinl tic.