Salmos 76 - Chuj San Sebastian Bible

SALMO 76 A Dios tz'a'n ganar owal

Sb'it win Asaf jun tic tzc'anlb'ej junc mach tzjucb'tzan b'it

¹ 'Ojcab'il Dios 'a Judá, caw niwn yel'ch sb'i 'a smasnil yol yic Israel.

² A 'a tzaln Sión ata 'ay scajnub', 'a yol yic Jerusalén ata tzmacwji.

³ Ata 'ix sma'cn wecchjoc jun tzo'n̈ yamc'ab' yic owal, atn jun tzo'n̈ q'uen jul-lab', q'uen espada, yet' q'uen tzmacn sat jun tzo'n̈ jul-lab' cha.

⁴ Ach qui Diosal on̈, caw tzictzni elxi, yel xo caw niwn el'ch 'a yib'n̈ eb' lum niwc witz 'ayc' xon 'a pecti'.

⁵ A eb' soldado caw jelan, 'ix 'ijx 'ec' sricoal eb'. Chamnc pax eb', man̈x 'a jac tas 'ix stac' yuj eb'.

⁶ A wal yic x'el aw a xib'tn eb', caw wal man̈x 'ic stac' xon yib'x jac scaruaje eb', yet' pax schej eb'.

⁷ Yel xo wal caw 'ay a may. ¿Toc 'ay mach 'oj stac' yoch lin̈n 'a ojltac, yic tox 'ix cot owal?

⁸ A wal 'a satcha'an̈, ata xa ch'oxcn 'elt a b'eyc'ojlal, ax eb' 'anma 'ay 'a sat lum lu'um, caw sictac x'aj eb' yuj xiwlal.

⁹ Ach qui Diosal on̈, a wal yic ach coti, 'ix a'n 'och b'eyc'ojlal, yic xa coln pax 'el eb' 'oltac yaj 'a yolyib'n̈q'uinl tic.

¹⁰ A yowl sc'ojl eb' 'anma', 'oj 'a'nc niwtjoc a b'inab'il, ax jaywn̈ocx eb' ma'oj cham 'a owal, 'icha to 'oj 'och eb' elwnub'loc.

¹¹ Ca'c qui ti 'a Jehová qui Diosalec, palta tzca'n 'el'choc. E masnil ex nacion̈ oyn ex 'och 'a sla'nil schon̈ab', 'ijec cot eyofrenda 'a 'a, yujto smoj 'ay yel'ch 'a e sat.

¹² Yujto a tz'i'n 'ec' sq'uinl eb' yajal, caw tzxiw eb' rey yic yolyib'n̈q'uinl tic 'a 'a.