Salmos 70 - Chuj San Sebastian Bible

SALMO 70 Wul coln muc'uc

Sb'it David jun tic tzc'an junc mach tzjucb'tzan b'it yic tzc'anx scolwal Dios.

¹ Mamin Jehová in Diosal ach, colwjan̈ wet' muc'uc, cotn̈ mu'c wul in a colo'.

² A eb' tznib'n to tzin chami, q'uixw cab' 'el eb', somchj cab' 'el eb'. 'At cab' eb' 'elc 'a scal sq'uixwc'ojlal, atn eb' tznib'n tzin 'ixtni.

³ A eb' tzin tzetzni, 'at cab' eb' 'elc yuj sq'uixwc'ojlal.

⁴ Palta ax smasnil eb' tzyal sb'a 'ayach, niwtj cab' stzaljc'ojlal eb'. A eb' tznib'n a colwal, yal cab' eb' 'ixtic: A Dios caw niwn ton yel'chi, xchi cab' eb'.

⁵ An xo tic, caw wal 'oltaquin, cusc'ojlaln̈ej waji. Yuj cha, tzwaln 'ixtic: Ach in Diosal, cotn̈ wul in a colo', ach 'aych 'ochn̈ej wet'oc, colwjan̈ wet' muc'uc. Caw man̈ e'c tiempo Mamin Jehová, xin chi.