Salmos 54 - Chuj San Sebastian Bible

SALMO 54 Lesl yic tzc'anx scolwal Dios

Sb'it David jun tic yic 'ix jaw eb' 'aj Zif, 'ix yaln eb' 'ixtc 'a Saúl: A 'a qui lu'um ata tzc'ub'j 'el sb'a David, xchi eb'. A jun b'it tic tzc'anlb'ej junc mach tzjucb'tzan b'it yet' arpa.

¹ Ach in Diosal colwjan̈ 'ayin, caw coln yet' a poder.

² Maclj wal ab' in lesal, 'a' cot a chicn 'a tas tzwala,

³ yujto a eb' b'an̈quintac 'ix 'och eb' 'ajc'ojlal 'ayin, tznib'j eb' tzin smil chamoc. Caw may el'ch 'a sat eb'.

⁴ Palta wojtac to 'aych 'och wet' ach in Diosal. Ach Wajlil, ach tzin a col 'a eb' tznib'j tzin milni.

⁵ A stu nab'enal eb' 'ajc'ojl cha, meltzjc cab' 'och 'a eb'. Mamin Jehová satcn 'el eb', yujto tz'el'ch tas tzala.

⁶ 'Oj wac' in xajmb'al 'aych 'icha tas tz'el 'a in c'ojol. 'Oj wal wach' paxti 'a a b'i, caw wal wach' ach,

⁷ yujto in a colcn 'elt 'a scal smasnil in somc'ojlal. Xwil slajw can 'el eb' 'ajc'ojl yajch 'ayin.