Salmos 3 - Chuj San Sebastian Bible

SALMO 3 Lesl yic tzc'anx scolwal Dios

A jun tic sb'it David yic 'ix 'at 'elc 'a jun yunnal tzcuch Absalón

¹ Mamin Jehová, til wal tz'aj sniwtj sb'isl eb' tzchichn 'och 'ayin, yet' pax eb' tzmeltzj 'och 'ajc'ojlal 'ayin.

² Til wal eb' tzaln 'ixtc 'a in patic: A Dios ma'oj colwjoc yet'oc, xchi eb'.

³ Palta wojtac to in Colmal aji, ach tzin ej cha'an̈, tza'n in te'nal.

⁴ A yic tzin 'awj 'aych Mamin Jehová, tzach ta'w cot 'ayn 'a jun tzaln to ecn̈ej yaji.

⁵ Tzq'uic'b'i, tzin 'e'x can c'otn in wayi, ax yic tzsacb' pax 'eli tz'elx in wayn̈ 'a tzaljc'ojlal. Tzin q'uex wa'an yujto ach tzin a tan̈wej.

⁶ Wach'xam caw niwn eb' soldado tz'och oyn 'ayin, tznib'j eb' yac' owl wet'oc, palta matz in xiw yuj eb'.

⁷ Mamin Jehová cotn̈ colwjoc wet'oc, coln ach in Diosal. Ach 'oj a ma'lajwc sat eb' 'ajc'ojl yajch 'ayin, ax a ma'n pax 'el ye eb' tzb'on maysch'olnil 'a in patic.

⁸ Caw wal colwjum ach, 'ac' a yaxilal 'a quib'n̈ an̈ a chon̈b' on̈ tic on̈.