Salmos 26 - Chuj San Sebastian Bible

SALMO 26 A slesl eb' wach' sb'eyb'al

Sb'it David jun tic

¹ Mamin Jehová alcn 'eli to may in mul, yujto wach'n̈j tas tzin b'o'o. Caw 'aych 'och yipc in c'ojol, may xon in chab'c'ojlal 'ayach.

² 'Ilt in wal Mamin, 'a'lj in prowal. Say el in nab'en yet' in pixan.

³ Yujto may 'aj tzwac' sat in c'ojl 'a a chamc'ojlal, caw yiclumn̈ej tzwutj in b'a 'ayach.

⁴ May 'ajtil jun wec' yet' eb' 'ixtm 'anma', may pax 'ajtil jun wec' yet' eb' chab'satl yaji.

⁵ Caw matz in nib'j wil syamnil eb' tzb'on maysch'olnil, may pax 'ajtil tzwa'ch in b'a yet' eb' tu sb'eyb'al.

⁶ Mamin Jehová tzin b'icl in c'ab', yic tzin ch'oxn 'eli to may in mul, 'ixta to b'i'an ax in c'och 'a stz'ey yet'l a xajmb'al.

⁷ Ax waln in wach' paxti 'aych yet' in b'it, tzwal-l yab'xil a munljel to satjub'tac yilxi.

⁸ Mamin Jehová, tzin chamc'ojlej atut 'a 'ajtil cajn ach 'eq'ui, 'a 'ajtil tzb'inax a b'i.

⁹ Man̈ junnjoc tzotj e'n 'ec' in q'uinl yet' eb' maysch'olnil sb'eyb'al. Man̈ in a mil cham yet' eb' milm cham 'anma'.

¹⁰ Yujto 'aych smul eb' chi 'a 'a, c'un schan pax eb' q'uen c'ultac tumin.

¹¹ Aln pax jun, cojxn̈ej tas wach' tzin b'o'o. 'O'ch cab' wal a c'ojl 'ayin, coln 'eli.

¹² Mamin Jehová, te'n waji sec matz in 'ejm 'a tas 'ay smay; 'oj wal wach' paxti 'aych 'a yojltac eb' wit chon̈ab'.