Salmos 2 - Chuj San Sebastian Bible

SALMO 2 Win Rey sic'b'il 'el yuj Jehová

¹ ¿Tas yuj caw tzq'ue 'awjoc eb' chuc chon̈b'al? ¿Tas yuj a jun tzo'n̈ may jac yel'ch 'aj tzya'ch eb' snab'en?

² A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Jehová, yet' pax 'a jun Rey sic'b'il 'el yu'uj.

³ Tzlaj 'el yaw eb', tzlaj yalnc eb' 'ixtic: Qui'c 'el qui b'a 'a yol sc'ab', ax qui colnec qui b'a 'a jun snab'en tic, xchi eb'.

⁴ Ax Jehová Syajlil satcha'an̈, ton̈j tzewj yuj eb', tzlaj b'uchx eb' yu'uj.

⁵ Tzcotn̈j yowl 'a eb', tzlaj xib'tx eb' yu'uj. Yet' wal yowl sc'ojl cha, ax yaln 'a eb' 'ixtic:

⁶ Tox 'ix wa'cn 'och yopiso jun rey 'a tzaln Sión, atn jun tzaln to wicn̈ej yaji, xchi.

⁷ Ax Yunnal Dios a tzaln 'ixtic: 'Oj walcn 'el tas sna Jehová, yujto xyalcn 'ixtc 'ayin: A 'a jun c'u tic, 'ix wac' checljoc 'eli to Wunnal ach.

⁸ C'an 'ayin, ax wa'n jun tzo'n̈ niwc nacion̈ 'ayach, ax eca'an smasnil yolyib'n̈q'uinal, masnto 'aj tzlajw c'ochi.

⁹ 'Oj ac' cuenta eb' chon̈b' yet' yowl a c'ojol, 'icha wal tz'aj spoj junc lum chen yuj junc q'uen c'ococh, 'ixta wal 'oj 'ajcn eb' o'oj, xchi 'ayin, xchi Yunnal Dios.

¹⁰ A ticnec ex rey, yet' ex syajlil junjn chon̈ab', 'ojquejec 'el jun tic, wach' cab' tzeyutj e cuyn jun tzo'n̈ 'oj wal tic.

¹¹ 'A'c 'emmquilal 'a Jehová yet' e tzaljc'ojlal. 'Ay cab' pax yel'ch 'a e sat.

¹² 'Emn̈ec n̈ojn 'a yojltac Yunnal Dios yet' e xiwc'ojlal. Man̈ eyi' cot yowl sc'ojl 'a eyib'an̈, sec matz ex satl yu'uj, yujto yajn̈j wal cha, tzcot yowal. ¡Caw tzaljc'ojlal yic eb' to a Dios tzya'ch yipc sc'ojol!