Salmos 142 - Chuj San Sebastian Bible

SALMO 142 Mamin, a 'aych tzin col in b'a

A jun tic slesl David yic sc'ub'n 'el sb'a 'a yol n̈aq'ue'en

¹ Mamin Jehová, caw wal 'ip waln in b'a 'ayach, tzwac' 'ip in c'ann 'ayach to tz'o'ch a c'ojl 'ayin.

² A 'a ojltac ata tz'at wal in b'a, a 'a ojltac ata tz'at wal in cusc'ojlal.

³ A yic caw 'ayn 'och 'a in cusc'ojlal, ach xo Mamin, ojc xo pax yilx in b'e 'aj tzin 'ochi. A 'a jun b'e 'aj wan in b'ey cha, ata 'ay 'ejm ch'an̈ yal yuj eb' 'ajc'ojl yajch 'ayin.

⁴ 'Ilt nab'n 'a in wach' c'ab', toc 'ay mach 'ayc' wet'oc, yujto may mach 'ojtnac in. May xon mach tzin colni, toc 'ay mach tz'och 'il wu'uj.

⁵ Ax 'aych xwal in b'a, 'ix waln 'aych 'ixtic: Mamin Jehová a 'aych wach' in coln in b'a, nib'b'ilch wuj 'a yib'n̈ smasnil tas 'ay 'ayn oj 'a sat lum lum tic, xin chi.

⁶ 'Ab' wal yel waw waln in b'a 'ayach, yujto man̈x 'a wip tzwab'i. Coln 'el 'a yol sc'ab' eb' tzin pechn b'eyc'oc, yujto yel xo caw 'ay yip eb' 'a wib'an̈.

⁷ Coln 'elt 'a scal in yailal, sec 'oj stac' waln in wach' paxti 'aych 'a scal eb' 'anma tojl snab'en. 'Oj 'och oyn eb' 'a in tz'ey yic 'oj yab'nc eb' to wach' tzin otej.