Salmos 140 - Chuj San Sebastian Bible

SALMO 140 Lesl yic tzc'anx scolwal Dios

A jun tic sb'it David tzc'anlb'ej junc mach tzjucb'tzan b'it

¹ Mamin Jehová, coln 'el 'a yol sc'ab' eb' 'anma maysch'olnil snab'en. C'ub'j in 'el 'a eb' 'anma tu snab'en cha,

² atn eb' nab'il maysch'olnil yu'uj. Cojn owl tzsay eb' sb'o 'a junjn c'u.

³ A spaxti eb', lajn wal 'icha sti no chan, lajn pax 'icha svenenoal sti no q'uex.

⁴ Mamin Jehová, coln 'a yol sc'ab' eb' maysch'olnil snab'en, coln 'a yol sc'ab' eb' 'anma caw tu', atn eb' tznib'n to tzin yac' telwc 'ejmi.

⁵ A jun tzo'n̈ b'an̈quintac 'anma cha, 'ix sc'ultac 'a'j 'ejm eb' syal 'a yol in b'e. 'Ix yac' 'ejm eb' ch'an̈ ya'al yet' jun tzo'n̈ 'icha chim 'a yol in b'e cha.

⁶ Yuj cha, 'ix waln 'aych 'ixtic: Mamin in Diosal ach, 'ab' wal yel waw waln in b'a 'ayach.

⁷ Wajlil ach, in Colmal pax aji to tztac' oj smasnil. Ach tzin a col 'a scal owal, xin chi.

^8-9 Mamin Jehová, man̈ ac' tas 'icha tznib'j eb' 'anma maysch'olnil snab'en; man̈ ac' 'el'choc 'icha tas nab'il yuj eb', sec matz yij chan̈ sb'a eb'. Tzann̈j lugaril 'aj tzlaj 'och oyn eb' 'ayin, a tas tu tzlaj sna eb' 'a in patic. Cot cab' can 'a yib'n̈ eb'.

¹⁰ Cot cab' stzac'ac' 'a yib'n̈ eb', 'ajx cab' 'at eb' a scal c'ac'. Julx cab' 'at eb' 'a yich junc xab' olan, 'a 'aj man̈xtzac stac' sq'uet eb'.

¹¹ A eb' alm peclal, sat cab' 'el eb' 'a sat lum lum tic, a cab' maysch'olnil chi tzsatn 'el eb' tu snab'en cha.

¹² Mamin Jehová, wojtac to ach tza b'oyaj eb' meb'a', tza col pax eb' 'aych 'a somc'ojlal.

¹³ A eb' 'anma tojl snab'en, 'oj yal eb' wach' paxti 'ayach; a eb' tojl sb'eyb'al cha, 'oj cann̈j eb' 'a ojltac.