Salmos 138 - Chuj San Sebastian Bible

SALMO 138 Alj yuj diosal 'a Jehová

Sb'it David jun tic

¹ Mamin Jehová, wal 'a smasnil in c'ojol tzwaln wach' paxti 'ayach. 'Oj ach in b'itnoc 'a yojltac eb' ángel.

² 'Oj wem cumn 'a yol atut yic 'oj walnc wach' paxti 'aych yuj a chamc'ojlal yet' a wach'il, yujto niwn yel'ch a b'i yet' a paxti 'a yib'n̈ jun tzo'n̈ xo tas.

³ A yic xwaln in b'a 'ayach, in a ta'wej, 'ix a'n in te'nal yic x'ochx wip.

⁴ Smasnil eb' rey 'a yolyib'n̈q'uinl tic, 'oj yal eb' swach' paxti 'ayach yic 'oj yab'nc eb' jun tzo'n̈ a paxti tic.

⁵ Yujto caw niwn el'chi, yuj cha, 'oj ach sb'itnoc eb' yuj smasnil tas xa b'o'o.

⁶ Wach'xam chan̈ 'aj 'ayach, palta tzel 'emt eb' 'emmquilal yeq'ui. Ax eb' b'an̈quintac, caw najt yajl eb' 'a a stz'ey.

⁷ Mamin Jehová, yic 'ayn 'ec' 'a scal xiwc'ojlal, ach ton wal xac' in q'uinal, 'a' cot a poder 'ayin, sec tzin colchj 'el 'a yowl sc'ojl eb' 'ajc'ojl yajch 'ayin.

⁸ B'o 'icha tas tza nib'j 'ayin, a wal a chamc'ojlal 'ayc' cab' wet' 'a smasnil tiempo. A tas xa yamch a b'on 'ayin, man̈ c'axpoc cab' tzotj cani.