Salmos 137 - Chuj San Sebastian Bible

SALMO 137 B'it yic cusc'ojlal

¹ A 'a sti eb' a niwc a yic Babilonia, ata on̈ 'emc wocn coq'ui, yic xqui nanec cot Jerusalén.

² A 'a sc'ab' eb' te sauce, ata xlaj qui locq'ue qui arpa.

³ Ax eb' on̈ 'i'nec 'at 'a 'icha presoal cha, yuj sb'uchwj eb' 'ayn̈ec, xyaln eb' to tzon̈ b'itnec 'a tzaljc'ojlal, a sb'itl Sión tzyac' eb' qui b'itnoquec.

⁴ Xcalnec 'ixtic: ¿Tom tztac' qui b'itnan Jehová 'a junc xo chuc chon̈b'al? xqui chiec.

⁵ Toto tzwac' sat in c'ojl 'a Jerusalén, tztacj cab' 'el in wach' c'ab' sec man̈xtzac stac' in yucn arpa.

⁶ Can cab' tzayn wac' 'a yol in jom, toto man̈x nanoc Jerusalén wu'uj, man̈x cab' tztac' in b'itni, toto 'ay junc xo yel xo nib'bi'l wuj 'a yib'n̈ Jerusalén.

⁷ Mamin Jehová, na cot wal tas yaljnac eb' edomita yic yem Jerusalén, yic yaln eb' 'ixtic: Ma'c 'ejm smasnil, masnto tz'em'ch 'a 'aj 'ay yipnub'al yich, xchi eb'.

⁸ Ex 'aj Babilonia, jab'xoj wal 'oj e satli. Caw wach' yic eb' 'oj 'a'nc qui pac yuj tas on̈ eyutj on̈.

⁹ Caw wach' yic eb' 'oj yamnc cot eyunnal, ax 'a q'uen q'uen 'oj sma'poj eb' sjolm eb' eyunnal cha.