Salmos 130 - Chuj San Sebastian Bible

SALMO 130 A Jehová yipc'ojl yaji

B'it yic sc'ochx eb' israel 'a Jerusalén

¹ Mamin Jehová, a wal tzwutj wab'ni a 'a yich junc lum xab' 'ayn 'eq'ui, yic tzwaln in b'a 'ayach.

² Mamin, 'ab' wal yel waw 'ayach, maclj wal ab' tas tzwala yic tzin c'ann tas tzin nib'ej.

³ Q'uinloc a qui mul tza say el on̈, ¿mach wal junc 'oj ste'wtzoc sb'a 'a ojltac Mamin Jehová?

⁴ Ocxo jun, caw wal 'ay a niwnc'ojlal 'ayn̈ on̈, yuj cha, smoj wal 'ay el'ch 'a qui sat on̈.

⁵ 'A smasnil in c'ojol, tzin tan̈wni a colwal Mamin Jehová, ax a paxti tzwa'ch yipc in c'ojol.

⁶ Caw tan̈b'il a colwal wu'uj, 'icha stan̈wni eb' tan̈m chon̈b' sacb'i, 'icha snib'n eb' sacb' cha, 'ixta 'in.

⁷ Ex wit israelal, qui tan̈wquec scolwal Jehová, yujto caw tz'o'ch sc'ojl 'ayn̈ec, yelc'ojlal pax tzcolwj quet'ec.

⁸ A 'oj qui colnec 'elt an̈ israel on̈c tic 'a yaln̈ qui mul.