Salmos 129 - Chuj San Sebastian Bible

SALMO 129 A Jehová tzcolwji

B'it yic sc'ochx eb' israel 'a Jerusalén

¹ Ex wit israelal, til wal jun tzo'n̈ yailal 'ix ya'ch eb' 'ajc'ojl chi 'a quib'n̈ec yic cochc can chon̈b'al. Calc cab' 'ixtic:

² Yic cochc can chon̈b'al, til wal eb' x'a'n cab' syail, palta ma'ix techj yuj eb' 'ayn̈ec.

³ 'Ix smac' eb' yich qui patquec, caw checl x'aj staj schic'l yich qui patquilec chi yuj eb',

⁴ palta ax Jehová caw wal tojl snab'en, a 'on̈ colnec 'elt 'a yol sc'ab' eb' maysch'olnil cha, xqui chic cab'i'.

⁵ 'El cab' sq'uixwel eb' 'ajc'ojl yajch 'a Sión, pax cab' eb' 'a spatic.

⁶ Lajn cab' tz'aj eb' 'icha te c'ultc tzpa'chan̈ 'a yib'n̈ junc n̈a, jab' wal tz'eq'ui, tztacj pax muc'uc.

⁷ A jun tzo'n̈ c'ultc cha, matz yam sb'a 'a yol sc'ab' junc mach. May mach tzpolni, matz tac' pax sjalx tzec'an yic tzyi'n 'at junc mach 'a yatut.

⁸ A yic tzlaj 'ec' eb' 'anma 'a stz'ey te c'ultc cha, toc 'ay eb' tzaln 'ixtc 'a eb' te': Ya' cab' Jehová syaxilal 'a eyib'an̈; 'a sb'i Dios tzqui c'ann yaxilal 'a eyib'an̈, tom xchi eb'.