Salmos 128 - Chuj San Sebastian Bible

SALMO 128 Yaxilal tzchaj eb' yiclum 'a Jehová

B'it yic sc'ochx eb' israel 'a Jerusalén

¹ Caw wach' yic eb' yiclum tzyutj sb'a 'a Jehová, yujto 'oj scha eb' swach'c'ojlal.

² A yic 'oj 'el-loc sat tas 'awb'il yuj eb', 'oj sc'ux eb' 'a tzaljc'ojlal. Caw wach' 'oj 'ec' tiempo yuj eb'.

³ A yistzil eb' winac, lajn wal eb' 'ix 'icha junc te snun uva tzsatn 'a stz'ey yatut eb'; ax yunnal eb' tzlaj 'och oyn 'a sti smexa, lajn eb' 'icha swol te olivo.

⁴ 'Ixtnta wal tzyutj Jehová ya'n syaxilal 'a yib'n̈ eb' to yiclum 'a 'a.

⁵ A 'a lum tzaln Sión, a cab' ta tzyac' cot Jehová syaxilal 'a quib'n̈ec 'a smasnil tiempo. 'Oj quilc swach'l chi 'a Jerusalén tic.

⁶ 'Oj quilc tas 'oj 'aj 'el'ch eb' quichicnec b'aq'uin̈. ¡'Ay cab' junc'ojlal 'a quib'n̈ec an̈ israel on̈c tic!