Salmos 124 - Chuj San Sebastian Bible

SALMO 124 A Dios scolmal chon̈b' Israel

Sb'it David jun tic yic scolchj eb' israel 'a yol sc'ab eb' 'ajc'ojol

¹ Q'uinloc man̈toc x'och Jehová quet'ec, ¿tasm on̈ 'ajec? Ax ticnec ex wit israelal calc 'ixtic:

² Q'uinloc man̈ 'ayc 'och Jehová quet'ec, to 'ixta ax yic xq'ue wan eb' 'anma yac' owl quet'ec,

³ ton̈j am on̈ spitzn b'u'j 'ejm eb', yujto 'ay cot wal yowl eb' 'ayn̈ec.

⁴ Lajn am on̈ yutjec eb' 'icha tzyac' junc a 'elmal a tzon̈ 'i'nec 'ati; tz'ec' a 'a quib'n̈ec.

⁵ 'Icha a 'elmal a cha, 'ixta am x'aj eb' yec' 'a quib'n̈ec, xqui chiec.

⁶ ¡Calc wach' paxti 'a Jehová! Yujto ma'on̈ ya'c 'a yol sc'ab' eb' 'ajc'ojol yic on̈ satnec 'el eb'.

⁷ Ma'on̈ ya'c ganar eb' qui canc 'a sya'al. On̈ colchjec 'el 'a yol sc'ab' eb', 'icha tzyac' junc no ch'ic tz'el 'a junc ya'al, 'ixta 'on̈ 'ajec.

⁸ A jun qui colnb'ilec tic, ata tzcot 'a Jehová qui Diosalec, atn jun b'ojnac satcha'an̈ yet' lum lum tic.