Salmos 121 - Chuj San Sebastian Bible

SALMO 121 A Jehová in tan̈mal yaji

B'it yic sc'ochx eb' israel 'a Jerusalén

¹ A yic tzin laj 'at q'ueln 'a lum jolmctac witz, tzwaln 'ixtic: ¿'Aj wal 'oj cot mach tzin colni? xin chi.

² A 'in colnb'il cha, ata tzcot 'a Jehová. A b'ojnac satcha'an̈ yet' lum lum tic.

³ Ma'oj on̈ scha telwoquec; ma'oj cot pax swayn̈ on̈ stan̈wniec.

⁴ May xon wal b'a'n̈ 'ay swayan̈, a tzon̈ tan̈wni an̈ israel on̈c tic.

⁵ A Jehová qui tan̈malec yaji, a 'a yen̈ul ata 'ayn̈ec 'eq'ui, yic tzon̈ scolnec.

⁶ A 'a c'ual, ma'oj qui tz'ac yuj yoc c'u, ax 'a 'ac'wal, may 'oj cajc yuj yoc 'uj.

⁷ 'Oj on̈ scolc 'a yol sc'ab' maysch'olnil, ax on̈ scolnec 'a yol sc'ab' chamel.

⁸ A Jehová a tzon̈ tan̈wni 'aj tzon̈ 'atec yet' pax yic tzon̈ japxec. Tzon̈ stan̈wniec 'a smasnil tiempo.