Salmos 112 - Chuj San Sebastian Bible

SALMO 112 A mach 'ay yel'ch Jehová 'a 'a

¹ ¡Alx cab' wach' paxti 'a Jehová! A eb' 'ay yel'ch Jehová 'a 'a, caw wach' yic eb', yujto tzalj eb' sb'eylb'an schecnb'il 'aycni.

² Ax yin̈tl eb' 'anma cha, caw jeln 'oj 'aj 'el'ch eb' 'a sat lum lum tic, a yin̈tl eb' wach' snab'en, wach' 'oj 'aj 'el'ch eb'.

³ Til wal 'oj 'aj sricoal eb' 'a yatut, 'elan̈ej pax eb' 'a smasnil tiempo.

⁴ Caw 'ay schamc'ojlal eb', wach' snab'en eb', tojl tas tzb'o eb', yuj cha, 'icha junc cantil checl yoc 'a scal q'uic'q'uinal, 'ixta yaj Dios 'a eb' 'anma tojl snab'en.

⁵ A eb' 'anma wach' snab'en, yet' schamc'ojlal eb' tzya'n eb' junc tas majnil, ax smasnil tas tzb'o eb', wach'n̈j tz'aj 'el'chi.

⁶ A eb' tojl snab'en, nab'il cot eb' 'a smasnil tiempo, may xon b'a'n̈ 'oj can eb' 'a yalan̈.

⁷ Matz xiw eb' 'a junc 'ab'x to 'ay smay, yujto te'nn̈ej yaj snab'en eb' 'a Jehová, a tzya'ch eb' yipc sc'ojol.

⁸ Yojc eb' to te'nn̈ej yaj eb', yuj cha, matz xiw xon eb' jac 'a eb' 'ajc'ojl cha, ton̈j tzewj eb' yuj eb'.

⁹ Tzyac' eb' siylab' 'a eb' meb'a', ax swach' nab'enal eb' cha, 'oj naxoc cot 'a smasnil tiempo. Til wal 'aj 'oj b'inaxc eb' yuj swach'l cha.

¹⁰ Ax yic 'oj yilnc sb'a eb' maysch'olnil snab'en 'a eb', 'oj cot yowl eb', caw 'oj juch'ch'oc ye eb' scot yowal, palta jab'jnal 'oj sat 'ejm eb'. A snib'b'en eb', 'oj lajwc can 'ejmi.