Salmos 110 - Chuj San Sebastian Bible

SALMO 110 A Jehová a tz'a'n yopiso win rey

Sb'it David jun tic

¹ A Jehová a 'ix aln 'a Wajlil 'ixtic: 'Emn̈ wocn 'a in wach' c'ab', masnto 'oj can eb' 'ajc'ojl yajch 'aych 'a yaln̈ wu'uj, xchi.

² A Jehová 'oj yac' a c'occh yic opiso 'a lum Sión, ach xo 'oj ac' yajlil 'a yib'n̈ eb' 'ajc'ojl yajch 'ayach.

³ A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

⁴ A Jehová mun slocjnac sb'i yic yalni, yuj cha, may wal b'a'n̈ 'oj sjel snab'en, alb'il can yuj 'ixtic: Ach tic, tzach 'ochcn ya'malc 'och sti eb' 'anma 'ayn 'a smasnil tiempo, 'icha ya'jnac Melquisedec 'a pecti', xchi Dios 'a 'a, xchi.

⁵ A Cajlil 'ayc' 'a a wach' c'ab'; a yic 'oj cot yowl sc'ojl 'a yib'n̈ eb' rey, 'oj satl eb' smasnil yu'uj.

⁶ 'Oj b'eyc'ojlaxc eb' nacion̈ yu'uj, b'ulctac 'oj 'ajcn eb' 'anma schami; 'oj satl smasnil eb' yajl yaj 'a yolyib'n̈q'uinl tic.

⁷ A 'a yol b'e ata 'oj oc' a b'eymal a', ax yochx ep jun 'ejm xo.