Salmos 11 - Chuj San Sebastian Bible

SALMO 11 A eb' tojl snab'en,*r* a Jehová a 'aych yipc sc'ojl eb'

Sb'it David jun tic tzc'an junc mach tzjucb'tzan b'it

¹ A Jehová a tzwa'ch yipc in c'ojol, nab'an̈ej tzeyal 'ixtc 'ayin: 'Ixic, 'at c'ub'j 'el a b'a 'a jolmctac witz 'icha no ch'ic.

² 'Ilt nab'n eb' maysch'olnil tas tzb'o'o; tzya'ch eb' sjul-lab' 'a yojl ch'an̈ ch'an̈ yic sjul-lab', caw sin̈mtac tzyutj eb'. Ax 'a junc lugar 'aj c'ultac yaji, ata tzjulwj eb' 'a eb' wach' snab'en.

³ Toto a eb' yajl tzjuw 'el snab'en, ¿tasto wal 'oj yutc sb'a mach wach' sb'eyb'al? xe chi 'ayin.

⁴ A Jehová 'ayc' 'a yatut, atn jun to yicn̈ej yaji. A 'a satcha'an̈ ata 'ay sdespacho, tzcham wal yiln tas tzqui b'o an̈ 'anman̈ec tic.

⁵ A tzb'eyc'ojlan eb' wach', ax eb' tu sb'eyb'al, caw tzyajx 'el eb' yu'uj.

⁶ 'Oj ya' cot c'ac' 'a yib'n̈ eb' maysch'olnil cha. 'Oj cot azufre 'a yib'n̈ eb' 'icha wal yem yaxn̈ab', 'ixta wal 'oj 'emoc. Ax ya'n cot pax jun niwquil 'ic' yic tztacj 'el smasnil tas yu'uj. 'Ixta 'oj yutc ya'n spac tas tzb'o eb'.

⁷ Caw tojl snab'en Jehová, tzchamc'ojlej smasnil tas tojol; a eb' wach' snab'en, 'oj yil-lac 'och eb' sat yet'oc.