Salmos 100 - Chuj San Sebastian Bible

SALMO 100 Alj yuj diosal 'a Jehová

B'it yic alj yuj diosal

¹ Qui masnil an̈ cajn on̈c 'a sat lum lum tic, b'itn coyc yet' qui tzaljc'ojlal 'a Dios.

² Ca'c servil Jehová 'a tzaljc'ojlal, tzon̈ jawc 'a yojltac yet' qui b'it yic tzaljc'ojlal.

³ Tzcojcanec 'eli to a Jehová Dios toni; a b'ojnacn̈ec, yuj cha, to yic on̈ec; schon̈b' cajec, 'icha to scalnelu on̈ec, yuj cha, tan̈b'iln̈ec yu'uj.

⁴ 'Och coyc 'a spuertail yatut Dios yic tzcalnec yuj diosal 'a 'a. A yic 'ayn̈ec 'ec' 'a yamq'uil yatut cha, qui b'itnoquec b'it yic tzcalnec qui wach' paxti 'a 'a.

⁵ Yujto a Jehová caw wach' snab'en; a schamc'ojlal may xon slajub'. Tzyac' 'el'chocn̈ej sti ya'jnac can 'ayn̈ec.