Ro 3 - Chuj San Sebastian Bible

¹ Ex wit israelal, a eb' quit chon̈b'ec, ¿tom man̈ wach'c yic eb' tze na ticnec? Yet' pax jun senya circuncisión, ¿tom may yopiso tze na'a?

² Ma'ay, 'oj walb't 'ayex tas yaji. A wal 'a eb' 'aj ya'jnac Dios spaxti'.

³ 'Ay ton eb' man̈ ya'jnacc 'och sc'ojl 'a 'a, palta man̈ yujoc cha, matz 'el'ch 'icha yaj yaln can Dios.

⁴ Caw wal tz'el'chi. Wach'xam junjn mach tzyac' 'es, ax Dios caw yel tzyac' 'el'choc jantcn̈ej tas tzyala. A 'a Ch'an̈ U'un̈, ata tzyal 'ixtic: Mamin, a yic tzach b'eyc'ojlwi, tzcheclj 'eli to caw yel tojl ach, matz tac' yalx tu paxti 'aych yuj jun a b'eyc'ojlal cha, xchi.

⁵ An̈ec tic, man̈ on̈ tojloc. Yuj cha, tzcheclj 'eli to cojn Dios tojol. Palta ¿tasm tze na'a? ¿Tom man̈ tojloc Dios yujto 'oj ya'ch qui yailalec yuj qui mul? 'Ay eb' 'anma tznan 'ixta'.

⁶ Palta caw man̈ 'ichcta'. Q'uinloc man̈ tojloc Dios ticnec, toto 'ixta', ma'oj stac' sb'eyc'ojlan eb' 'anma 'a yolyib'n̈q'uinl tic.

⁷ 'Ay eb' tznan 'ixtic: A yic tzwac' 'es, wan in ch'oxn 'eli, to cojn Dios caw yel. Toto yel xo niwn yel'ch Dios yuj jun tzo'n̈ 'es tzwac' cha, ¿tas yuj a yic tzin b'eyc'ojlaxi tzin alx 'ajmulal? xchi eb'.

⁸ 'Ay eb' tzcob' alnoc 'a in patic, tolab' tzwal 'ixtic: Yel xo wach' tz'och qui mulec, sec 'oj wach' checljoc 'eli, to cojn Dios wach', xin chi ab' yal eb'. A eb' tzaln jun tzo'n̈ tic, caw smoj 'oj 'ajxc can 'at eb' 'a scal yailal.

May junc mach tojl snab'en

⁹ ¿Tas tze na'a? An̈ israel on̈c tic, ¿tom yel xo wach'n̈ec 'a yib'n̈ eb' man̈ israeloc? Ma'ay, 'ayn̈ec 'ec' 'a yol sc'ab' maysch'olnil.

¹⁰ A 'a Ch'an̈ U'un̈ ata tzyal 'ixtic: May xon junc mach tzb'on tas wach', may xon wal junoc.

¹¹ May junc mach 'aych snab'en 'a Dios, may junc mach nanto yu'uj.

¹² Palta c'uxn xjuw 'el eb' smasnil. Junlajnn̈ej xjuw 'el eb'. Toc 'ayt junc mach tzb'on tas wach', man̈x 'a xon wal junoc.

¹³ 'Icha 'aj mucb'il junc chamnc 'anma', tzjacw paxi caw tu sjab', 'ixta stul jun tzo'n̈ tas tzlaj yal eb'; ton̈j tzlaj yixtc paxti eb' yit 'anma'il. 'Icha svenenoal sti no chan, 'ixta stul jun tzo'n̈ tas tzlaj yal eb'.

¹⁴ Cojn catb' paxti tzyal eb', caw owln̈ej tzyutj paxtinc sb'a eb'.

¹⁵ Yajn̈ej, tz'at eb' milj 'anma'.

¹⁶ Tzann̈j 'aj tzlaj 'ec' eb', til wal tas tzsatcn 'el yuj eb', caw tz'och cusc'ojlal yuj eb'.

¹⁷ Man̈ yojcoc eb' tzb'eylb'ej tas wach' yic tzcan eb' 'a junc'ojlal.

¹⁸ Toxn may yel'ch Dios 'a sat eb', xchi 'a Ch'an̈.

¹⁹ Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.

²⁰ May junc mach wach' 'a sat Dios, yujn̈ej tzyiclj tas tzyal jun ley cha. Yujto a jun ley cha, cojn 'ay yopiso sch'oxni to 'ajmul on̈c qui masnil.

A mach tzya'ch sc'ojl 'a Cristo

²¹ A ticnec, 'ix checlj 'eli, chajtl tzon̈ 'ajc coch wach'l 'a sat Dios. Man̈ yujoc qui yiclniec ley yic Moisés 'ixta tzon̈ 'ajec. Palta a Ch'an̈ Un̈ 'aj tz'ib'b'il can ley cha, ata tzyala, tas tzon̈ 'ajc coch wach'il. Ata alb'il can yuj eb' schecb' Dios pecti'.

²² Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

²³ Yujto c'uxn x'och qui mulc qui masnil 'a 'a, yuj cha, may calnec quic 'a swach'l Dios.

²⁴ Palta yujn̈ej swach'c'ojlal Dios, on̈ 'ochc wach'l 'a sat ticnec, yujto colchjnacn̈ec xo yuj Cristo Jesús.

²⁵ A Cristo 'ajxnac 'och xajmb'al-l yuj Dios. 'Elnc schiq'uil, yic tzyi'n 'el qui mulec, yujto tzca'c 'och qui c'ojl 'a 'a. 'Ixta yutjnac Dios sch'oxni, to caw tojl yutjnac sb'a pecti', yic ya'n niwnc'ojlal 'a eb' laj 'ochnc smul 'a 'a.

²⁶ 'Ixta yutjnac sch'oxn paxi, to an̈ja tojl snab'en ticnec. Yujto caw tojl tzyutj sb'a, yic tzyalni, to wach'n̈ec 'a sat an̈ tzca'c 'och qui c'ojl 'a Jesús.

²⁷ A ticnec, ¿tom tztac' qui b'an̈nec qui b'a tze na'a? Toxn matz tac'a. Yujto man̈ yujoc qui yiclniec ley yic Moisés, tzon̈ colchjec, palta yujn̈ej to tzca'c 'och qui c'ojl 'a Jesús. Yuj cha, matz tac' qui b'an̈nec qui b'a.

²⁸ 'Ixta tzcutjec cojcan 'eli, to yujn̈ej tzca'c 'och qui c'ojl 'a Jesús, wach'n̈ec 'a sat Dios, man̈ yujoc qui yiclni tas tzyal jun ley cha.

²⁹ A Dios, man̈ sDiosalocn̈ej eb' israel sch'ocoj, sDiosal pax eb' man̈ israeloc. Caw yel qui Diosalec qui masnil,

³⁰ yujto junn̈j Dios 'ay. Tzann̈j 'anma'il, wach'xam israel, wach'xam ma'ay, cojn toto tzya'ch eb' sc'ojl 'a Jesús, wach' eb' 'a sat Dios.

³¹ Yel toni tzon̈ colchjec, yujn̈ej to tzca'c 'och 'a qui c'ojol. Palta ¿tom yuj chi tztac' calnec, to man̈x 'a yopiso ley yic Moisés? Ma'ay, caw matz tac' calnec 'ixta'. Ticni a jun ley cha, to tzqui wach' 'a'jec 'och yopiso.