Pr 17 - Chuj San Sebastian Bible

¹ Yel xo wach' junc'ojlal cajec, wach'xam to tacn̈ wal tzqui wajec, 'a yib'n̈ to q'uin̈ 'aych 'a catutec 'a junjn c'u, palta owln̈ej pax cajc 'a catutec cha.

² A junc checb' 'ay snab'en, 'ec'b'al yopiso 'a junc yunnal spatron̈ to may tz'ochi, 'ay pax yaln yic jun checb' chi yi'n smacl 'a tas 'ay 'a spatron̈ cha.

³ A q'uen oro yet' q'uen plata, a c'ac' tz'a'lni prowal toto wach' q'ue'en; ax pax qui nab'enec an̈ 'anman̈ec tic, a Jehová a tzb'eyc'ojlani.

⁴ A eb' tu snab'en, tzchaj sc'ojl eb' tu paxti'al. Ax eb' 'a'm 'es, tzchaj sc'ojl eb' alj peclal.

⁵ Toto tzon̈ b'uchwjec 'a eb' meb'a', 'icha wal to a 'a Dios wan qui b'uchwjec, atn jun b'ojnac eb'. Toto tzon̈ tzaljec yic tz'och syailal junc xo mach, 'oj jawc pax yailal 'a quib'n̈ec.

⁶ A eb' 'ichmtac winac, tzalj eb' yuj eb' yixchiquin, yujto smay eb' yaj eb'; 'ixta pax eb' 'unnab'il, tzalj eb' yuj smam, yujto smay eb' yaji.

⁷ A eb' may snab'en, man̈ smojc yaln eb' paxti yic jelnal, 'ixta pax eb' yajal, man̈ smojc laj ya'n eb' 'es.

⁸ A mach tzb'eylb'an ya'n tumn 'a c'ultaquil, a 'a snab'en to wach' tz'aj 'el'chi, yujto tzann̈j 'aj tz'eq'ui, tzb'on̈j 'icha tas tznib'ej.

⁹ A mach tztechj ya'n niwnc'ojlal yuj tas tz'aj yixtxi, tznib'j to wach' yaj yet' yit 'anma'il, ax mach to tzyalb'tan̈j jun tzo'n̈ cha, tz'el eb' swach'c'ojl 'a stz'ey.

¹⁰ A jayb'elc tennb'il tz'ajx 'a junc 'ay snab'en, niwn tas tzb'o yuj 'a yib'n̈ to tz'och junc ciente chicote 'a junc may snab'en.

¹¹ 'Icha junc checb' matz 'o'ch xon sc'ojl 'a junc mach, 'ixta 'oj 'aj sjaw chaml 'a yib'n̈ junc tenmtac, toto cojn owl tzsayq'ui.

¹² Yel xom wach' tzqui chajec qui b'a yet' junc no snun oso 'ic'b'il 'el yune 'a spatic, 'a yib'n̈ to tzqui chajec qui b'a yet' junc mach wan sb'on tas tu'.

¹³ Toto tu tzcutjec qui pactzan swach'c'ojlal junc mach, may wal b'a'n̈ 'oj 'el yailal 'a yol catutec.

¹⁴ 'Icha junc a a tzmacx 'och wa'an, jab'jnal yel a 'a yet'l cha, palta ax tz'aji tzjacw 'el secn̈joc a smasnil, 'ixta wal junc owl jab'jnal tz'aj yel yich. Yuj cha, yel xo wach' tzyac' junc mach niwnc'ojlal yic mantzac 'el yich junc owl cha.

¹⁵ Toto tz'ajx niwnc'ojlal mach 'ay smul, mto tz'ajx 'och yailal 'a yib'n̈ junc may smul, a wal chab' tic, caw wal matz nib'j Jehová.

¹⁶ ¿Tas yuj tzjaw junc may snab'en yet' tumin yuj snib'n sman sjelnal? ¿Tas wal 'oj 'och yu'uj, yujto toxn to may snab'en?

¹⁷ A junc mach wach' xon cajc yet'oc, 'aychn̈ej quet'oc. A yic tzjaw qui yailal, 'icha wal to cu'taquec qui b'a yet'oc, 'ixta tzyutj sb'a.

¹⁸ A junc may snab'en, comn tzya'ch sb'a fiadoral 'a junc mach, tzta'wni can 'och junc tas 'a yib'an̈.

¹⁹ A mach tzchaj sc'ojl stzuntzwi, caw wal tzchaj sc'ojl owal. A mach tzch'oxn 'el tastc 'ay 'a 'a, mun tzyij cot 'a yib'an̈.

²⁰ Toto maysch'olnil qui nab'enec, may b'a'n̈ xon 'oj quilc wach'il; toto tzon̈ paxtinec 'a chab'satil, 'oj jawc yailal 'a quib'n̈ec.

²¹ A mach tu snab'en, caw wal may stzaljc'ojlal smam yu'uj, cojn cusc'ojlal tzyij coti.

²² A tzaljc'ojlal, lajn wal 'icha junc remel, ax pax cusc'ojlal, ton̈j tzyij 'el quipec.

²³ A eb' yajl tu snab'en, tzc'ultac chaj eb' tumin, sec man̈ wach'c tzyutj eb' sb'onyaj junc mach.

²⁴ Toto 'ay qui nab'enec, a cab' jelnal tzqui nib'jec, ax toto may qui nab'enec, toc 'ay tas tzqui nib'jec qui cuyu'.

²⁵ A junc 'unnab'il tu snab'en, ton̈j tzuntzj cot yowl sc'ojl smam snun, tzya'n cus sc'ojl eb'.

²⁶ Man̈ wach'oc toto tzc'anx multa 'a junc may smul. Caw yel xo tu', toto tzquijec 'el junc mach 'a yopiso, yujto tojl tas tzb'o'o.

²⁷ Toto jab' wal tas tzcalec, caw 'ay qui nab'enec, caw jeln on̈ec toto tzqui yamc 'och wan qui b'a.

²⁸ Toto matz ta'w junc may snab'en, ax tz'aj snaxi to 'ay snab'en.