Nm 17 - Chuj San Sebastian Bible

Xwoln te sc'occh Aarón

¹ 'Ix yaln Jehová 'a Moisés 'ixtic:

² Al jun tic 'a eb' et israelal: To a junjn eb' yajl yaj 'a scal junjn 'in̈tal, yi' cot cab' junjn eb' sc'ococh, tzyal 'el'chi, lajchwe te c'occh chi 'a smasnil. Tza tz'ib'n 'och sb'i junjn eb' 'a sc'occh cha.

³ A 'a te yic eb' yin̈tl Leví, a sb'i Aarón tz'och 'a te', yujto 'oj cot junjn sc'occh eb' yajl chi 'a junjn 'in̈tal.

⁴ Tzlajw cha, tza'n can 'och eb' te 'a yojl Mantiado 'aj tzin chaj in b'a eyet'oc, 'a yojltac 'elt te scaxail in trato, 'a 'aj tzin ch'ox in b'a 'ayex.

⁵ 'Oj wac' wolnc te sc'occh jun mach to sic'b'il 'el wu'uj, sec 'oj 'och wan yaln eb' 'anma tic e peclal 'a wojltac, xchi Dios.

⁶ Xlajw cha, xyaln Moisés jun tzo'n̈ tic 'a eb' yajl yaj 'a junjn 'in̈tal eb' chon̈b' cha, junjn eb' xyac' eb' junjn sc'ococh, lajchwe te xyac' eb' 'a smasnil, a 'a scal eb' te', ata 'aych te yic Aarón.

⁷ 'Ix ya'n 'och Moisés eb' te c'occh chi 'a yojltac Jehová, 'a yol Mantiado cha.

⁸ Ax 'a yic junx c'u, 'ix c'ochx 'a yol Mantiado cha, 'ix yilni to a te sc'occh Aarón, te yic eb' yin̈tl Leví to 'ayx swol te', 'ayx snich, 'ayx pax sat, caw 'e'm xo te almendro cha.

⁹ Yuj cha, 'ix yi'n 'elt Moisés smasnil eb' te c'occh chi 'aych 'a yojltac Jehová, 'ix sch'oxn yil smasnil eb' 'anma', xlajw yiln eb' te', junjn eb' yajl yaj cha, xlaj schan pax eb' sc'occh cha.

¹⁰ Yuj cha, xyaln Jehová 'a Moisés 'ixtic: 'A'x 'och te sc'occh Aarón chi 'a yojltac 'elt scaxail in trato, ata tza mol te', tz'ochcn te snanb'ilc cot eb' 'anma tenmtac tic, sec 'oj 'och wan eb' yaln tu paxti'al 'a wojltac, sec ma'oj cham pax eb', xchi.

¹¹ 'Ix syiclj Moisés sb'on 'icha 'ix yutj Jehová yalni.

¹² Palta ax eb' israel cha, 'ix yaln eb' 'a Moisés 'ixtic: Toto 'ixta tz'aji, 'oj qui satl ton b'i'an. Qui masnil 'oj qui chami.

¹³ Smasnil mach tzc'och 'a stz'ey scajnub' Dios, 'oj cham tzyal cha. ¿Tom 'ixta wal 'oj cajc qui cham qui masnil? xchi eb'.