Nehemías 7 - Chuj San Sebastian Bible

Si'ch Nehemías eb' tz'och yopiso

¹ A yic xlajw sb'o jun muro cha, 'ix wa'n 'ajxoc 'och spuertail, 'ixta to b'i'an xwa'n 'och eb' tztan̈wni spuertail yatut Dios, eb' tzb'itni, yet' jun tzo'n̈ xo eb' levita.

² Xwa'n 'och wu'tac Hananí yet' Hananías syajlilc cuartel 'a Jerusalén, yujto a jun winc cha, caw tojl snab'en, caw 'ay xiwc'ojlal 'a Dios 'a yib'n̈ jun tzo'n̈ xo eb'.

³ 'Ix walni to matz comn jacx spuertail Jerusalén, masnto 'a yic tzq'uixn̈j 'ejm yoc c'u, ax 'a yemc'ual caw wach' tz'aj smacxi, yic mantzac pax eb' tztan̈wni. An̈jtona wach' tz'aj yochcn yijl puerta cha, xwa'n pax 'och stan̈mal eb' 'aj Jerusalén, 'ay pax mach a 'a sla'nil yatut stan̈wej.

⁴ A jun chon̈b' cha, caw wal niwquil, may slajb' yalxi, palta jaywn̈ej nant eb' 'anma cajn xo 'eq'ui, yujto jayen̈ej nant te n̈a tzb'oxi.

Eb' meltzjnac yet' Zorobabel

⁵ Xlajw cha, xya'n Dios in na', to tzwac' syam sb'a eb' niwc winac, eb' 'aych yajlil yet' eb' chon̈ab', yic tz'ib'x eb' 'a yol libro, a tzyal yin̈tl smam yichm eb'. 'Ix 'ilchj pax ch'an̈ libro 'aj tz'ib'b'il can sb'i smam yichm eb' 'a yaln̈taxi. Ata tz'ib'b'il can eb' tic:

^6-7 Atn slistail eb' israel yin̈tl eb' 'ijxnac 'at 'a 'icha presoal 'a Babilonia yuj rey Nabucodonosor, atn eb' xjapx can 'a Jerusalén, yet' 'a jun tzo'n̈ xo lugar 'a yol yic Judá. Junjn mach 'ix c'ochx can 'a schon̈ab'. A eb' xjucb'tzan eb', atn Zorobabel, Josué, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum yet' Baana.

^8-24 A eb' yin̈tl Paros, 'ay 2,172; eb' yic Sefatías, 'ay 372; eb' yic Ara, 'ay 652; eb' yic Pahat-moab, a eb' cha yin̈tl Josué eb' yet' yin̈tl Joab, 'ay 2,818 sb'isl eb'; eb' yic Elam, 'ay 1,254; eb' yic Zatu 'ay 845; eb' yic Zacai, 'ay 760; eb' yic Binuy, 'ay 648; eb' yic Bebai, 'ay 628; eb' yic Azgad, 'ay 2,322; eb' yic Adonicam, 'ay 667; eb' yic Bigvai, 'ay 2,067; eb' yic Adín, 'ay 655; eb' yic Ater, atn eb' yin̈tl Ezequías, 'ay 98; eb' yic Hasum, 'ay 328; eb' yic Bezai, 'ay 324; eb' yic Harif, 'ay 112.

^25-38 Eb' 'aj Gabaón, 'ay 95; eb' 'aj Belén, yet' eb' 'aj Netofa, 'ay 188; eb' 'aj Anatot, 'ay 128; eb' 'aj Bet-azmavet, 'ay 42; eb' 'aj Quiriat-jeraim, Cafira yet' Beerot, 'ay 743; eb' 'aj Ramá yet' eb' 'aj Geba, 'ay 621; eb' 'aj Micmas, 'ay 122; eb' 'aj Bet-el yet' eb' 'aj Hai, 'ay 123; eb' 'aj schab'l Nebo, 'ay 52; eb' 'aj schab'l Elam, 'ay 1,254; eb' 'aj Harim, 'ay 320; eb' 'aj Jericó, 'ay 345; eb' 'aj Lod, Hadid yet' Ono, 'ay 721; eb' 'aj Senaa, 'ay 3,930.

^39-42 A junx macn̈ eb' ya'mal 'och sti eb' 'anma 'a Dios, atn eb' yin̈tl Jedaía, yin̈tl pax Josué, 'ay 973; eb' yin̈tl Imer, 'ay 1,052; eb' yic Pasur, 'ay 1,247; eb' yic Harim, 'ay 1,017.

^43-45 Ax eb' levita yin̈tl Josué yet' Cadmiel, a jun tzo'n̈ eb' cha, yin̈tlto pax Hodavías eb', 'ay 74; eb' yin̈tl Asaf, atn eb' tzb'itni, 'ay 148; eb' tan̈m puerta, atn eb' yin̈tl Salum, eb' yic Ater, eb' yic Talmón, eb' yic Acub, eb' yic Hatita yet' eb' yic Sobai, 'ay 138 eb' 'a smasnil.

^46-56 A eb' ya'mal servil yatut Dios, atn eb' yin̈tl Ziha, eb' yic Hasufá, eb' yic Tabaot, eb' yic Queros, eb' yic Siaha, eb' yic Padón, eb' yic Lebana, eb' yic Hagaba, eb' yic Salmai, eb' yic Hanán, eb' yic Gidel, eb' yic Gahar, eb' yic Reaías, eb' yic Rezin, eb' yic Necoda, eb' yic Gazam, eb' yic Uza, eb' yic Paseah, eb' yic Besai, eb' yic Mehunim, eb' yic Nefusim, eb' yic Bacbuc, eb' yic Hacufa, eb' yic Harhur, eb' yic Bazlut, eb' yic Mehida, eb' yic Harsa, eb' yic Barcos, eb' yic Sísara, eb' yic Tema, eb' yic Nesíah, eb' yic Hatifa.

^57-59 Ax eb' yin̈tl eb' ya'mal servil Salomón, atn eb' yin̈tl Sotai, eb' yic Soferet, eb' yic Perida, eb' yic Jaala, eb' yic Darcón, eb' yic Gidel, eb' yic Sefatías, eb' yic Hatil, eb' yic Poqueret-hazebaim, yet' eb' yic Amón.

⁶⁰ A sb'isl eb' ya'mal servil yatut Dios 'a smasnil yet' eb' yin̈tl eb' ya'mal servil Salomón, 392 eb' 'a smasnil.

^61-62 Eb' yin̈tl Delaía, yet' eb' yic Tobías, yet' eb' yic Necoda 'ay 642 eb' 'a smasnil. A eb' cha, ma'ix stac' sch'oxn 'el sb'a eb' toto israel eb' yuj yin̈til. Atn eb' xcot 'a Tel-melab, 'a Tel-harsa, 'a Querub, 'a Adón, yet' 'a Imer.

^63-64 A eb' yin̈tl Habaía, eb' yin̈tl Cos yet' eb' yin̈tl Barzilai, 'ix yal eb' to ya'mal 'och sti eb' 'anma yaj eb' 'a Dios. 'Ix sayx 'ilxoc sb'i eb', palta ma'ix 'ilchj junc un̈ 'aj chequel toto yel 'ixta yaj eb', yuj cha, ma'ix 'ajx yopiso eb' 'a yatut Dios. A win Barzilai cha, a yic 'ix nupn yet' jun 'ix yisl jun win 'aj Galaad, ata scuchcn win Barzilai yujto 'ixta sb'i win sn̈i win cha.

⁶⁵ Xyaln win gobernador to matz tac' sc'uxn eb' tas to yic Dios yaji, at junc ya'mal 'och sti eb' 'anma 'a Dios 'oj c'anb'noc 'a q'uen Urim yet' 'a q'uen Tumim toto yel yin̈tl eb' ya'mal 'och sti eb' 'anma chi eb'.

^66-69 'Ay 42,360 eb' 'anma chi 'a smasnil, palta man̈ 'ayc 'och ewin checab' yet' eb' 'ix checb' stz'acb'oc; a eb' cha, 'ay 7,337 eb' 'a smasnil. Chuc pax yaj eb' tzb'itni, eb' winac yet' eb' 'ix 'ix, 'ay 245 eb'. 'Ay pax 736 scawyu chej eb', yet' 245 smula eb'. 'Ay 435 scameyo eb' yet' 6,720 sb'uru eb'.

^70-72 'Ay jun tzo'n̈ eb' yican eb' xyac' yofrenda yuj jun munljel cha; 'ix yac' win gobernador waclajn̈e libra q'uen oro 'a win molm tumin, 50 jom nab'a oro yet' 530 pichl yic eb' ya'mal 'och sti eb' 'anma 'a Dios. Ax eb' yajl yaj 'a yib'n̈ eb' yican, 337 libra q'uen oro 'ix yac' eb' 'a win molm tumn yic jun munljel cha, yet' 2,423 libra q'uen plata. Ax jaywn̈ xo eb' chon̈ab', 'ix yac' eb' 337 libra q'uen oro, 2,423 libra q'uen plata, yet' 67 pichl yic eb' ya'mal 'och sti eb' 'anma 'a Dios.

⁷³ A eb' ya'mal 'och sti eb' 'anma 'a Dios, eb' levita, eb' tan̈m puerta, eb' tzb'itni yet' eb' 'anma 'ay 'a chon̈b' cha, eb' ya'mal servil yatut Dios yet' smasnil eb' israel, 'ix sb'on pax 'ejm sb'a eb' 'a yol schon̈ab'. A yic 'ix 'el yich yic yucl 'uj, tox 'ix tz'acw c'och eb' quit israelal 'a slugar.