Lc 1 - Chuj San Sebastian Bible

Tz'ib'b'il 'at ch'an̈ un̈ tic 'a Teófilo

^1-2 Tic tzin tz'ib'j 'at jun ch'an̈ un̈ tic 'a 'aych Teófilo. 'Ay jun tzo'n̈ tas b'onc 'a qui cal on̈. A eb' tzaln 'el spaxti Dios ticnec, c'uxn yiljnac eb' jun tzo'n̈ cha, yictax syamn 'och yel yich. Xlajw cha, on̈ scuyn eb' 'a on̈. Niwn eb' xya'ch 'a sc'ojl stz'ib'n can yab'xil jun tzo'n̈ cha, 'icha wal 'ajnc sb'o'i.

³ An xo tic, si'mb'il xin cuy jun tzo'n̈ chi smasnil. Yuj cha, mamin Teófilo, tzin na'a, wach' tzlaj in tzolb't eb' 'ayach, tastc 'ajnc sb'o jun jun.

⁴ 'Ixtc 'oj wutc in b'oni, sec 'oj a wach' 'ojcoc 'eli, to caw yel jun tzo'n̈ chi xa cuy cha.

'Aycto yaln can jun ángel, *r* yuj yaljub'al Juan Bautista

⁵ A 'a yic 'aych win Herodes sreyloc Judea, 'ay jun c'aj eb' ya'mal 'och sti eb' israel 'a Dios, tzcuch Abías. 'Ay jun win yitb'eym eb', Zacarías sb'i, ax yistzil winac, Elisabet sb'i, yin̈tl pax can Aarón 'ix.

⁶ Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

⁷ May junc yunnal eb' yujto matz 'unewi xon 'ix, 'ichm 'anma xo pax eb' schawn̈il.

⁸ A 'a jun 'el, 'ix jaw smacl Zacarías 'a yib'n̈ yet' ewin yitb'eyum, yic tzya'n 'och ewin sti eb' israel 'a Dios.

⁹ Xya'n 'och ewin suerte 'icha xon sley 'a junjn 'ejem. A 'a yib'n̈ win Zacarías 'ix cani. Yuj cha, x'och win 'a yol yatut Cajlil. Ata sn̈us win incienso caw su'q'ui sjab'.

¹⁰ A yic wan sn̈usn win jun cha, c'uxn xleslwi eb' 'anma 'a yamq'uil yatut Dios.

¹¹ A yic 'aych win ta', 'ix wul sch'oxnc sb'a jun yángel Cajlil 'a 'a. Lin̈n 'ec' 'a stz'ey jun yet'l incienso chi 'a swach'.

¹² Ax yic xyiln win Zacarías jun ángel cha, caw sat sc'ojol. 'Ix xiw chan̈ yu'uj.

¹³ Palta xyaln jun ángel chi 'ixtc 'a winac: —Zacarías, man̈ ach xiwoc yujto xyab' Dios a lesal. Yuj cha, a 'ix estzil Elisabet, 'oj 'aljoc jun swinc 'une', ach xo 'oj ac' sb'ic Juan.

¹⁴ Caw wal niwn a tzaljc'ojlal 'oj jawc yu'uj. Til wal 'anma 'oj tzaljoc paxi, yujto 'oj 'aljoc jun 'unn cha.

¹⁵ Caw niwn 'oj 'aj 'el'ch 'a sat Dios. May xon 'aj 'oj yuc' yal uva. May 'aj 'oj yuc' pax 'an̈. A yic 'oj 'aljoc, ax yochcn Yespíritu Dios 'a 'a.

¹⁶ Yuj wal jun onnal cha, til wal eb' et israelal 'oj ya'x 'och snab'en 'a sDiosal, atn 'a Cajlil.

¹⁷ A Juan cha, 'oj b'ab'l 'ec' yuj Cajlil. 'Icha snab'en win Elías, 'ixta 'oj 'aj snab'en jun xo. Lajn 'oj 'aj pax spoder yet' winac. Yuj cha, a 'oj tennc 'och wan eb' mamb'il yet' eb' 'unnab'il, sec tztup owl 'a scal eb'. Ax eb' tenmtac tzyutj sb'a 'a Dios, a 'oj 'a'nc sjel eb' snab'en, sec 'oj syiclc eb'. 'Ixta 'oj yutc ya'n b'o snab'en eb' 'anma', sec 'ay eb' lista xo yaji ax sjaw Cajlil, xchi jun ángel cha.

¹⁸ 'Ix yaln win Zacarías chi 'ixtc 'a 'a: —¿Tas wal 'oj wutc wojcan 'eli, toto yel jun tzo'n̈ tzal tic? Yujto an tic caw 'ichm in xo, an̈jtona', chichm xo pax 'ix wistzil, xchi winac.

¹⁹ 'Ix yaln pax jun ángel chi 'ixtc 'a winac: —An ton tic Gabriel in, 'ayn 'och ya'malc servil Dios; a 'in checn cot wul wal jun wach' 'ab'x tic 'ayach.

²⁰ Ax ticnec, man̈x 'oj stac' a paxtini, masnto 'oj 'aljoc jun onnal xwal tic. 'Ixta 'oj aji, yujto ma'ix a chaj ab' tas 'ix wal 'aych tic. A jun tic, 'oj 'el'choc yic 'oj jawc stiempoal, xchi jun ángel cha.

²¹ Ax eb' 'anma', tan̈b'il yelt win Zacarías chi yuj eb', 'ix sat sc'ojl eb', yujto caw q'ui'cho x'ochcn win 'a yol yatut Dios cha.

²² Ax yic 'ix 'el pax ta, man̈x 'ic stac' spaxtini. Yuj cha, xyojcan 'el eb' 'anma cha, to 'ay junc tas 'ix sch'ox Dios 'a winac. Toxn̈ej syuc win sc'ab' 'a eb', yujto man̈xtzac stac' spaxtin winac.

²³ Ax yic xlajw can 'el'ch jun smacl 'opiso win cha, xpax win 'a yatut.

²⁴ Xlajw cha, ax 'ix yistl winac atn Elisabet, 'ix pitzw chan̈ jun 'unn 'a 'ix. O'e 'uj ton̈j xcan 'ix 'a yol yatut. 'Ix snan 'ix 'ixtic:

²⁵ Yuj spoder Dios Wajlil, 'ixtc tzin 'aji, sec wach' man̈x 'oj yal eb' 'anma in peclal, yujto may wune', xchi 'ix.

'Aycto yalx can yuj yaljub'al Jesús

²⁶ Ax yic xlajw waque 'uj, 'ix schecn cot Dios jun ángel Gabriel chi 'a chon̈b' Nazaret 'a yol yic Galilea.

²⁷ 'Ix wul yalnc jun 'ab'x 'a jun cob's 'ix María sb'i. Tox xyac' 'ix strato yet' win José. A José cha, yin̈tl can win rey David.

²⁸ 'Ix 'ochch jun ángel chi 'a 'aj 'ayc' 'ix, 'ix yaln 'ixtc 'a 'ix: —Tzaljan̈, yujto caw xajn ach yuj Cajlil. A Dios 'aych et'oc. Yel xo wal niwn swach'c'ojlal xyac' 'aych 'a yib'n̈ smasnil eb' et 'ixal, xchi.

²⁹ A yic 'ix yaln jun tzo'n̈ cha, caw 'ix sat sc'ojl 'ix yab'ni. 'Ix sna 'ix tas wal tzyal 'el'ch jun tzo'n̈ cha.

³⁰ Xlajw cha, xyaln pax 'a 'ix 'ixtic: —María, man̈ ach xiwoc, yujto til wal swach'c'ojlal Dios tzyac' 'ayach.

³¹ A ticnec, 'oj pitzwc chan̈ jun winc 'unn 'ayach, ax a'n sb'ic Jesús.

³² A jun cha, caw niwn 'oj 'aj 'el'chi. 'Oj alxc yu'uj, chajtlto Yunnal jun yel xo niwn yel'chi, atn Dios. Ax Cajlil, atn Dios cha, a 'oj 'a'nc 'och e reyloc. 'Oj 'ochcn sjelc win rey David, atn jun smam yicham.

³³ A 'oj 'och syajlilc eb' et israelal 'a smasnil tiempo. May b'a'n̈ 'oj lajwc jun yopiso cha, xchi jun ángel chi 'a 'ix.

³⁴ —¿Palta chajtl am 'oj 'aj sb'o jun tzo'n̈ tzal tic? 'In mant 'a xon wichmil, xchi 'ix 'a 'a.

³⁵ —A spoder Yespíritu Dios, atn jun yel xo niwn yel'ch cha, a 'oj 'emlc 'a eb'n̈ 'icha sjaw junc 'asun. Yuj cha, a jun 'unn 'oj 'aljoc cha, yicn̈ej Dios 'oj 'ajoc. 'Oj alxc yu'uj, chajtlto Yunnal Dios.

³⁶ 'Ay jun 'ix ecan Elisabet sb'i, caw chichm 'ix xo, palta 'oj 'aljoc jun swinc 'unin. Tzyal eb' 'anma', to may xon b'a'n̈ 'oj 'aljoc junc yune', palta swacl xo 'uj scuchn chan̈ 'ix yune ticnec.

³⁷ Yujto smasniln̈ej tas tztac' yuj Dios, xchi jun ángel chi 'a 'ix.

³⁸ —An tic ya'mal in servil Dios Cajlil, sb'o cab' 'ayn 'icha xal tic, xchi 'ix 'a 'a. Xlajw xoj cha, x'atx jun ángel cha.

Xit'nc María 'a 'ix Elisabet

³⁹ A 'a jun tiempoal cha, ji'ltixn̈ej x'at María 'a jun chon̈b' 'ay 'a eb' lum jolmctac witz 'a yol yic Judea.

⁴⁰ 'Ix c'och 'ix 'a yatut win Zacarías, 'ix sc'umn 'ix 'ix Elisabet.

⁴¹ Ax 'ix Elisabet cha, caw x'ib'x jun 'unn chi 'a yol sc'ojol, yic xyab'n 'ix spaxtin María cha. Caw 'ix wach' 'och Yespíritu Dios 'a 'ix.

⁴² Yuj cha, xyaln 'ix 'ixtic: —Ach tic, yel xo wal niwn swach'c'ojlal Dios 'ix sch'ox 'aych 'a yib'n̈ smasnil eb' quit 'ixal. Caw niwn swach'c'ojlal 'oj sch'ox pax 'a jun one 'oj 'aljoc.

⁴³ An tic, ¿tom 'ay jac wopiso? Ach xo tic, snunch Cajlil, palta tzach jaw in a c'umoc.

⁴⁴ Yicn̈ej xwab'n a paxtin a jaw 'ayin, 'ix 'ib'x chan̈ jun 'unn tic 'a yol in c'ojol. Coyn to caw stzalj xwab'i.

⁴⁵ Ach tic, 'ix a'ch 'a a c'ojol tas xyal Cajlil 'ayach. Yuj cha, caw wach' eco', yujto yowlal 'oj 'el'choc tas 'ix alx cha, xchi 'ix Elisabet cha.

⁴⁶ Xlajw cha, xyaln María 'ixtic: Yet' smasnil in c'ojol, tzwal wach' paxti 'a Cajlil;

⁴⁷ caw tzalj in c'ojl yuj Dios qui Colmal.

⁴⁸ An tic, ya'mal in servil Dios. May wel'chi, palta 'ix 'o'ch sc'ojl 'ayin. Yuj cha, smasnil tiempo 'oj yal eb' 'anma wu'uj, to caw wach' wico'.

⁴⁹ Yujto a Dios caw niwn spoder, man̈ jantcoc swach'l 'ix sch'ox 'ayin. Caw niwn yel'chi.

⁵⁰ Smasnil tiempo tz'o'ch sc'ojl 'a jantcn̈ej mach 'ay xiwc'ojlal 'a 'a.

⁵¹ 'Ix sch'oxn 'eli, to caw niwn spoder. A eb' b'an̈quintac yet' snab'en, caw xcan eb' 'a yaln̈ yu'uj.

⁵² Xyi'n can 'el eb' yajl 'a yopiso, ax eb' 'emmquilal yeq'ui, a eb' 'ix yij cha'an̈.

⁵³ Caw xyac' syaxilal 'a eb' 'ay swejel. Ax eb' rico, may tas 'ix yac' 'a eb', 'ix checn pax eb'.

⁵⁴ 'Ix 'och quet' an̈ israel on̈c tic, to ya'maln̈ec servil. Caw tz'o'chn̈ej sc'ojl 'ayn̈ec,

⁵⁵ 'icha yutjnac yaln can 'a eb' qui mam quichmec, yujto ya'jnac can sti 'a Abraham, yet' 'a eb' yin̈tl 'a jun 'ejmn̈ej, xchi María cha.

⁵⁶ 'Ix 'och wan 'ix junc am 'oxe 'uj yet' 'ix Elisabet cha, xlajw cha, xpaxx 'ix 'a yatut.

A yaljub'al Juan Bautista

⁵⁷ Yic 'ix jaw stiempoal yalj yune 'ix Elisabet, 'ix 'alj jun swinc 'unin.

⁵⁸ Ax eb' 'ay 'a stz'ey 'ix, yet' eb' yican, 'ix laj yab'nc eb' chajtlto sch'ox Dios swach'c'ojlal 'a 'ix. Yuj cha, caw xlaj tzalj eb' yet' 'ix jun xo.

⁵⁹ Yucb'ixial xo yalji, xc'och eb' 'a yatut Zacarías, yic x'ajx 'och jun senya circuncisión 'a sniwnal jun 'unn cha. 'Ix snib'j eb' xyac' sb'ic Zacarías, yic tz'och sq'uexloc smam cha.

⁶⁰ Palta xyaln pax snun chi 'a eb' 'ixtic: —Ma'ay. Juan 'oj sb'ioc, xchi 'ix 'a eb'.

⁶¹ ¿Tas yuj 'ixta 'oj ac' sb'ioc? —'In may junc eb' 'ixta sb'i 'ayex, xchi eb' 'a 'ix.

⁶² Xlajw cha, 'ix ya'n eb' jun senya 'a smam win 'unn cha, yuj tas tznib'j win 'oj sb'ioc.

⁶³ Yuj cha, 'ix sc'ann win jun tas 'aj tz'ib'ej. 'Ix stz'ib'n 'och winac to Juan tzcuch jun 'unn cha. Ax eb' smasnil, caw 'ix sat sc'ojl eb' yilni.

⁶⁴ Yajn̈j wal cha, 'ix jacw pax sti win Zacarías, 'ix paxtini. Syamn 'och win yaln wach' paxti 'a Dios.

⁶⁵ Yuj cha, caw sat sc'ojl jantcn̈ej eb' 'ay 'a stz'ey. C'uxn 'ix pucl speclal jun chi 'a eb' lum jolmctac witz yic Judea cha.

⁶⁶ Ax eb' x'ab'n speclal jun tzo'n̈ cha, 'ix syamn 'och eb' snani tas wal yaji. 'Ix laj yalnc eb' 'ixtic: ¿Tas laj 'oj 'aj jun 'unn cha? xchi eb'. 'Ixta xyutj eb' yaln yu'uj, yujto caw 'aych Cajlilec yet'oc.

'Ajxnac paxtinc Zacarías yuj Dios

⁶⁷ Ax smam jun 'unn cha, atn Zacarías, caw xwach' 'och Yespíritu Dios 'a 'a, yuj cha, x'ajx paxtinc yuj 'ixtic:

⁶⁸ Calc wach' paxti 'a Cajlil, atn 'a qui Diosalec an̈ israel on̈c tic, yujto xjaw 'ayn̈ an̈ schon̈b' on̈c tic, yic tzon̈ scolnec 'eli.

⁶⁹ 'Ix ya' cot jun qui Colmalec caw niwn spoder. A 'a scal eb' yin̈tl can David, win ya'mal servil, ata 'oj 'aljoc.

⁷⁰ 'Ixta yutjnac Dios yaln can 'a eb' schecb' pecti', atn eb' yicn̈ej yaji.

⁷¹ Ata yaljnac cani, to 'oj on̈ scolc 'elt 'a yol sc'ab' eb' 'ajc'ojl yajch 'ayn̈ec, yet' 'a yol sc'ab' jantcn̈ej eb' tzchichn 'och 'ayn̈ec.

⁷² Yaln can paxi, to 'oj 'o'ch sc'ojl 'a eb' qui mam quichmec. Ma'oj sat sc'ojl 'a jun strato ya'jnac 'a eb', yujto a jun strato cha, yicn̈ej yaji.

⁷³ 'Ixta yutjnac Dios ya'n can sti 'a qui mam 'ichm Abraham pecti', yic slocn sb'i,

⁷⁴ yaljnac cani, chajtlto 'oj on̈ scolc 'elt 'a yol sc'ab' eb' 'ajc'ojl yajch 'ayn̈ec, sec wach' matz on̈ xiwec, yic tzca'nec servil.

⁷⁵ 'Ixta 'oj on̈ yutquec, sec caw tojl qui b'eyb'alec. An̈j 'a tzca'c 'och qui nab'en 'a smasnil qui q'uinal.

⁷⁶ Ach xo tic ach wunnal, ach 'oj och schecb'oc Dios jun yel xo niwn yel'chi. Yujto 'oj a b'ab'l 'ec' 'a Cajlil, ax a b'on snab'en eb' 'anma', 'icha tz'aj sb'o junc b'e.

⁷⁷ Ach 'oj ac' nachjc 'el yuj eb' schon̈ab', tas 'oj 'aj eb' scolchji, ax yajx can lajwc smul eb'.

⁷⁸ A qui Diosalec caw tz'o'ch sc'ojl 'ayn̈ec. 'Icha tz'aj sq'uel c'u tzya'n sacq'uinl 'ayn̈ec, 'ixta 'oj 'aj sjaw jun checb'il cot yu'uj.

⁷⁹ Ax ya'n sacq'uinl 'a eb' 'ay 'a scal q'uic'q'uinal, atn eb' wan s'at 'a chamel. A 'oj ch'oxnc pax 'ayn̈ec, tas tzcutjec qui b'eyb'al, sec junc'ojlal tzon̈ 'ajc yet'oc, xchi win Zacarías cha.

⁸⁰ Ax jun 'unn cha, 'ix q'uib'i, x'och snab'en, 'ix c'och cajn 'a cusltac lu'um, masnto xc'och sc'ual, yic sch'oxn 'el sb'a 'a eb' yit israelal.