Job 26 - Chuj San Sebastian Bible

¹ 'Ix yaln pax Job 'ixtic:

² Caw wal niwn tzach colwj 'ayn tzwab'i, yujto an tic, caw wal tz'el'ch wip yuj in yailal.

³ Caw wach', ojc tzac' in nab'enoc yic tzin a cuyn an may in nab'en tic.

⁴ ¿Mach x'a'n a nab'enoc, yuj cha, tzaln jun tzo'n̈ a paxti chi 'ixta'? ¿Mach jun chi 'ix paxtin 'a a nab'en, yuj cha, 'ixta 'ix otj alni?

⁵ A eb' chamnc 'ayc' 'a yol lum 'a yaln̈ a mar, caw wal tzch'umm 'ec' eb' yab'n syail.

⁶ A campusan 'aj mucn eb' chamnac, man̈ c'ultacc yaj 'a sat Dios.

⁷ A Dios, 'ix slich'b't satchan̈ 'a stojlal norte, palta may tas xyamn cani, sb'on pax lum lu'um, may pax tas 'aj xq'ue b'achn lu'um.

⁸ A tzmacn 'och a a 'a scal 'asun, palta matz n̈i'chj 'asn chi yuj yal-l a'.

⁹ A tzmacn sat 'uj, wach'xam caw c'ojn 'uj cha, palta a tz'a'n 'och 'asn 'a sat.

¹⁰ A x'a'n 'ejm yechl snan̈l a mar, atn chi tz'och smacloc snan̈l sacq'uinal yet' q'uic'q'uinal.

¹¹ Toto a Dios tzcot yowal, caw wal tz'ib'x yipnub'al satchan̈ 'aj b'achn 'ejmi.

¹² Yuj yip Dios tz'ib'x yib'n̈ a mar, a yet' sjelnal 'ix ya'n ganar yem jun no niwquil noc' Rahab sb'i.

¹³ Ton̈j tzyutz'j 'el yic', ax satcha'an̈ caw wal pilpni tz'ajcn yu'uj; ax yet' yipl sc'ab' sma'n cham no chan petpni sb'eyi.

¹⁴ A jun tzo'n̈ tzcab'c tic, 'icha to stitc xoj yaj 'a tas b'ob'il yuj Dios. Ton̈j pax tzqui b'al 'ab'ej, palta ¿mach wal junc tztac' yojcan 'el sjelnal cha? xchi Job.