Job 25 - Chuj San Sebastian Bible

¹ Xta'w pax Bildad win 'aj Súah, xyaln pax 'ixtic:

² A Dios caw wal 'ay spoder; smoj tzon̈ xiwc 'a 'a; a tz'a'n 'ejm junc'ojlal 'a scal eb' 'ay 'a satcha'an̈.

³ A eb' yángel Dios 'a satcha'an̈, man̈x yalnb'ilc sb'isl eb', ax sacq'uinlal 'ayc' 'a yib'n̈ eb' smasnil.

⁴ Toc 'ay junc 'anma may smul 'a sat Dios, toxn may xon mach wach'.

⁵ A 'a sat Dios, toc 'ay stzictznil 'uj yet' pax swach'l yilx c'anal;

⁶ ocxom wal an̈ 'anman̈ec tic 'a sat Dios, lajn on̈c am 'icha junc no a'ay, xchi Bildad.