Is 32 - Chuj San Sebastian Bible

A jun rey tojol

¹ 'Ay wal jun rey 'oj 'a'nc yajlil 'a stojlal, 'ay pax eb' yajl to caw wach' 'oj yutc ya'n yajlil.

² A junjn eb', 'icha to qui colnb'il yaj eb' 'a junc 'ic' caw ow, mto 'a niwc yaxn̈ab'. 'Icha sb'e a yaj eb' 'a lum tacn̈ lu'um, 'icha wal pax yen̈l junc niwquil q'uen 'a lum cusltac lu'um, 'ixta yaj eb'.

³ A eb' 'anma 'icha to matz uj yilni, 'oj yil eb'; ax eb' 'icha to matz 'ab'ni, 'oj scha eb' yab'i'.

⁴ A eb' matz cham wal snani tas tzyala, 'oj tojlb'oc snab'en eb'; ax eb' que'ec, 'oj tojlb'oc spaxtin eb'.

⁵ A junc amancotn 'anma'il, man̈x 'oj alxoc wach'il; ax junc mach 'e'nc 'a yib'an̈, man̈x 'oj alxoc to 'ay yel'chi.

⁶ Yujto a mach amancotn cha, cojn nab'en may yel'ch tzyala; ax 'a snab'en, cojn maysch'olnil tznib'j sb'o'; tznib'j tzma'wji, tzyaln pax tu paxti'al 'a spatc Jehová, matz siyj jac tas 'a eb' tz'och swejel, yet' 'a eb' tztacj sti'.

⁷ A eb' 'e'nc 'a yib'an̈, tzyij eb' yip 'a tas cuyb'il yuj 'a stu'al, tznan chan̈ eb' tas tu'. Tz'ixtx eb' meb'a yuj eb', tzyac' eb' 'es 'a eb', tzyixtn paxti eb' junc mach to tznib'j tzb'oyaj sb'a 'a sc'aq'uil.

⁸ Ax pax eb' 'ela ya'n junc tas, a yela'il eb' chi nan yu'uj, yuj yela'il eb' cha, ax yi'n eb' yip.

Tennb'il 'a eb' 'ix 'ix 'aj Jerusalén

⁹ Ax wal ax 'ixx tic, ¿toc 'ay tas tze na'a? 'Ab'c wal tas 'oj wal 'ayex.

¹⁰ A ticnec, may tas tze na'a, palta jun, yic wal yab'n 'ixtc junab', caw 'oj e xiw cha'an̈, yujto man̈x 'a sat 'awb'en 'oj 'el-loc, man̈x 'a sat uva 'oj molb'tzaxc cha'an̈.

¹¹ Ax wal ax may tas tze na tic, xiwn̈ec cha'an̈, 'ijec 'el e pichl wach't 'aych eyu'uj; 'a'c 'och e pichl to n̈achtac sat, yic tze ch'oxn 'eli, to 'ayx 'och eyailal.

¹² Ch'oxc 'el e cusc'ojlal yuj lum e lum to 'ix 'ixtx 'el 'aj caw wach' tz'aj eyawb'en.

¹³ Yujto cojxn̈ej te q'ui'ix yet' te c'ultc 'oj pa' chan̈ 'a yol qui chon̈b'ec, yet' 'a yoltc n̈a 'aj tzlaj 'och q'uin̈ yic tzaljc'ojlal.

¹⁴ Ax sdespacho eb' yajal, cusltac 'oj 'ajcni; 'oj sat chan̈ eb' 'anma cajn 'a yol chon̈ab'. A jun tzo'n̈ schon̈b' eb' 'aych smuroal, 'oj 'ochcn yet'loc no calte'al noc'. Ata 'oj 'iljoc e no calte'al b'uru 'a tzaljc'ojlal. Wach' 'oj wa e no calnelu ta'.

¹⁵ 'Ixta 'oj 'ajoc masnto 'oj jawc Yespíritu Jehová 'a quib'n̈ec jun 'ejm xo, yuj cha 'oj yaxb'oc sat lum cusltac lu'um, man̈x jantcoc sat 'awb'en 'oj ya' lu'um.

¹⁶ Ax 'a smasnil yolyib'n̈q'uinl tic, 'oj b'eylb'axc tojlal, yet' wach'il.

¹⁷ Yujto tzb'eylb'ax tojlal cha, yuj cha, 'ay junc'ojlal, tzaljc'ojlal, yet' wach' nab'enal 'a smasnil tiempo.

^18-19 Ex wit chon̈ab', wach'xam 'oj laj lo'chjoc eb' te niwc te yuj q'uen sacb'at 'oj 'ejmoc, ax satl jun tzo'n̈ chon̈b' yu'uj, ax xo tic 'oj e can cajn 'a junc'ojlal, 'oj eyac' tzaljoc e c'ojl eyilj 'a eyatut.

²⁰ Caw wal wach' eyico', yujto 'ay eb' a a wach' yoch yalilc eyawb'en, coln pax 'aj 'oj laj wa e wacax yet' e b'uru.