Is 20 - Chuj San Sebastian Bible

'Oj 'em Egipto yet' Etiopía yuj Asiria

¹ A 'a jun 'el, a win Sargón sreyl Asiria, 'ix checb't jun scapitan̈ yet' eb' soldado 'at yac' owl 'a chon̈b' Asdod, 'ix 'em jun chon̈b' chi yuj eb'.

² A 'a jun tiempoal cha, ata xyal Jehová 'ixtc 'a win Isaías, win yunnal Amoz: 'Ij 'el a pichl n̈achtac 'aych o'oj, tze'n 'el 'a xan̈ab', xchi 'a winac. 'Ix syiclni Isaías sb'on 'icha x'aj yalx 'a cha, xyij 'el xan̈ab', xyi'n 'el spichul, cojxn yojl spichl chi xcani.

³ Xlajw cha, xyaln pax Jehová 'ixtic: A win in checb' Isaías tic, 'oxe ab'il xb'eyc' 'a yic may xan̈b' 'aychi, jitn 'eli, cojn yojl spichl 'aychi yic x'eq'ui; a jun tic, ch'oxnb'il yaj 'a eb' 'aj Egipto yet' 'a eb' 'aj Etiopía.

⁴ Yujto 'oj 'ijxoc 'at eb' 'aj Egipto yet' eb' 'aj Etiopía 'a 'icha presoal yuj win sreyl Asiria. 'Oj 'ijxoc 'at eb' 'ichmtac 'anma', yet' eb' quelmtac, may xan̈b' eb', jitn 'el eb' ax s'at eb', checl syop eb' 'a spatic, sec 'ixta wal tz'aj yel sq'uixwel eb'.

⁵ Ax eb' 'anma cob' yipc'ojlal yaj Etiopía yu'uj, yet' eb' cob' tzb'an̈ sb'a yuj jun nacion̈ cha, 'oj xiw chan̈ eb', ax sq'uixw can 'el eb'.

⁶ A 'a jun tiempoal cha, a eb' 'anma cajn 'a sti a mar, 'oj laj yal eb' 'ixtic: 'Iltec wal tz'aj eb' 'anma 'aych cob' yipc qui c'ojol, atn eb' 'aj tzlaj calc qui b'a yic tzon̈ scolnec eb' 'a yol sc'ab' win sreyl Asiria, ¿ax ticnec, mach 'oj to qui colnec? 'oj schic eb', xchi Dios.