Gn 5 - Chuj San Sebastian Bible

Eb' yin̈tl Adán

¹ Atn stzol-l yab'xil eb' yin̈tl Adán tic. Yic sb'on Dios eb' 'anma', lajn xyutj sb'on eb' 'icha Dios cha.

² Sb'o Dios win winac yet' 'ix 'ix, 'ix ya'n can Dios syaxilal 'a yib'n̈ eb'. A yic 'ix b'o eb' yuj Dios, 'anma xyac' sb'ic eb'.

^3-5 A Adán 130 ab'il sq'uinal yic 'ix 'alj junx yunnal, Set 'ix yac' sb'ioc, lajn sb'o 'icha smam cha. Wajxque ciente ab'il to x'ec' Adán, 'ayt eb' yunnal, yet' eb' yisl 'ix 'alji. A smasnil sq'uinl winac, 930 ab'il xyila, xlajw cha xchami.

^6-8 A win Set 105 ab'il sq'uinal yic 'ix 'alj jun yunnal, Enós sb'i. 807 ab'il to x'ec' Set, 'ayt eb' yunnal yet' eb' yisl 'ix 'alji. A smasnil sq'uinl winac, 912 ab'il xyila, xlajw cha xchami.

^9-11 A Enós 90 ab'il sq'uinal yic x'alj jun yunnal Cainán sb'i. 815 ab'il to x'ec' Enós, 'ayt eb' yunnal yet' eb' yisl 'ix 'alji. A smasnil sq'uinl win winac, 905 ab'il xyila, xlajw cha xchami.

^12-14 A Cainán 70 ab'il sq'uinal yic 'ix 'alj jun yunnal Mahalaleel sb'i. A Cainán 840 ab'il to x'eq'ui, 'ayt eb' yunnal yet' eb' yisl 'ix 'alji. A smasnil sq'uinl win Cainán, 910 ab'il xyila, xlajw cha xchami.

^15-17 A win Mahalaleel 65 ab'il sq'uinal yic 'ix 'alj jun yunnal Jared sb'i. A win Mahalaleel 830 ab'il to x'eq'ui, 'ayt eb' yunnal yet' eb' yisl 'ix 'alji. A smasnil sq'uinl win Mahalaleel, 895 ab'il xyila, xlajw cha xchami.

^18-20 A Jared 162 ab'il sq'uinal yic 'ix 'alj jun yunnal Enoc sb'i. A win Jared, wajxque ciente ab'il to x'eq'ui, 'ayt eb' yunnal yet' eb' yisl 'ix 'alji. A smasnil sq'uinl win Jared, 962 ab'il xyila, xlajw cha xchami.

^21-24 A Enoc 65 ab'il sq'uinal yic 'ix 'alj jun yunnal Matusalén sb'i. A Enoc cha, 'ix 'ec' 'icha wal tznib'j Dios. A yic tox 'ix 'alj jun yunnal cha, 'oxe ciente ab'il to x'eq'ui. A yic jun tiempoal cha, 'ayt eb' yunnal yet' eb' yisl 'ix 'alji. A smasnil sq'uinl Enoc, 365 ab'il xyila. 'Ix 'ec' 'icha wal tznib'j Dios, yuj cha, 'ay jun c'u 'ix satchan̈ 'a yolyib'n̈q'uinl tic, yujto a Dios x'i'n 'at yet'oc.

^25-27 A Matusalén 187 ab'il sq'uinal yic 'ix 'alj jun yunnal Lamec sb'i. A Matusalén cha, 782 ab'il to x'eq'ui, 'ayt eb' yunnal yet' eb' yisl 'ix 'alji. A smasnil sq'uinl win Matusalén, 969 ab'il xyila, xlajw cha xchami.

^28-31 A Lamec 182 ab'il sq'uinal yic 'ix 'alj jun yunnal. 'Ix ya'n sb'ic Noé, yujto xyal 'ixtic: A win 'unn tic 'oj ca'n 'iljoc 'a qui munljel tzqui b'o 'a sat lum lum catb'tzab'il can yuj Jehová, xchi. A yic tox 'ix 'alj Noé 595 ab'il to x'ec' Lamec, 'ayt eb' yunnal yet' eb' yisl 'ix 'alji. A smasnil sq'uinl winac, 777 ab'il xyila, xlajw cha xchami.

³² A Noé o'e ciente ab'il sq'uinal yic 'ix syamn 'och yalj eb' yunnal, atn win Sem, win Cam yet' win Jafet.