Ester 10 - Chuj San Sebastian Bible

Q'uenc c'och yopiso Mardoqueo

¹ 'Ix ya'ch win rey Asuero jun tojlb'al 'a yib'n̈ smasnil 'anma 'ay 'a yol smacb'en, yet' 'a eb' cajn 'a sti a mar.

² A smasnil jun tzo'n̈ sjelnal win rey yet' yopiso, yet' pax yab'xil tas wal xyutj win ya'n jun niwquil 'opiso 'a win Mardoqueo, a jun tzo'n̈ cha, 'ix tz'ib'x can 'a yojl ch'an̈ un̈ 'aj tz'ib'x tas ujnc 'a yol yic Media yet' Persia.

³ A Mardoqueo 'ix 'ochcn schab'loc 'a win rey cha. Caw wal niwn x'aj 'el'ch 'a scal eb' yit israelal, nib'b'il yuj smasnil eb' yit chon̈ab', yujto caw 'ix sayc' swach'l eb' yit chon̈b' cha. 'Ix yac' wal yip, yic wach' tzcan eb' 'a tzaljc'ojlal yet' 'a junc'ojlal.