Esdras 2 - Chuj San Sebastian Bible

A eb' xmeltzj paxt 'a Babilonia

^1-2 Atn sb'isl eb' 'aj Judá 'ijxnac 'at 'icha presoal 'a Babilonia yuj rey Nabucodonosor. A yic 'ix lajw stiempoal yajc' eb' 'a jun lugar cha, 'ix meltzj eb' 'a Jerusalén, yet' 'a jun tzo'n̈ xo lugar 'a yol yic Judá. Junjn eb', xlaj c'ochx can eb' 'a 'aj 'aycn schon̈ab'. Ax eb' xjucb'tzan eb': Atn Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum yet' Baana.

^3-20 A eb' yin̈tl Paros, 'ay 2,172. Eb' yic Sefatías, 'ay 372. Eb' yic Ara, 'ay 775. Eb' yic Pahat-moab, mto eb' yic Jesúa yet' Joab, 'ay 2,812. Eb' yic Elam, 'ay 1,254. Eb' yic Zatu, 'ay 945. Eb' yic Zacai, 'ay 760. Eb' yic Bani, 'ay 642. Eb' yic Bebai, 'ay 623. Eb' yic Azgad, 'ay 1,222. Eb' yic Adonicam, 'ay 666. Eb' yic Bigvai, 'ay 2,056. Eb' yic Adín, 'ay 454. Eb' yic Ater, mto Ezequías, 'ay 98. Eb' yic Bezai, 'ay 323. Eb' yic Jora, 'ay 112. Eb' yic Hasum, 'ay 223. Eb' yic Gibar, 'ay 95.

^21-35 Eb' 'aj Belén, 'ay 123. Eb' 'aj Netofa, 'ay 56. Eb' 'aj Anatot, 'ay 128. Eb' 'aj Azmavet, 'ay 42. Eb' 'aj Quiriat-jearim, Cafira yet' Beerot, 'ay 743. Eb' 'aj Ramá yet' eb' 'aj Geba, 'ay 621. Eb' 'aj Micmas, 'ay 122. Eb' 'aj Bet-el yet' eb' 'aj Hai, 'ay 223. Eb' 'aj Nebo, 'ay 52. Eb' 'aj Magbis, 'ay 156. Eb' yic junx Elam, 'ay 1,254. Eb' 'aj Harim, 'ay 320. Eb' 'aj Lod, Hadid yet' Ono, 'ay 725. Eb' 'aj Jericó, 'ay 345. Eb' 'aj Senaa, 'ay 3,630.

^36-39 Eb' ya'mal 'och sti eb' 'anma 'a Dios 'a eb' yin̈tl Jedaías, atn eb' yin̈tl Jesúa, 'ay 973. Eb' yin̈tl Imer, 'ay 1,052. Eb' yic Pasur, 'ay 1,247. Eb' yic Harim, 'ay 1,017.

^40-42 Eb' levita yin̈tl Jesúa, yet' eb' yic Cadmiel, a eb' cha, yin̈tl pax Hodavías eb', 'ay 74. Eb' yin̈tl Asaf atn eb' tzb'itni, 'ay 128. Eb' tan̈m puerta, atn eb' yin̈tl Salum, eb' yic Ater, eb' yic Talmón, eb' yic Acub, eb' yic Hatita yet' pax eb' yic Sobai, 'ay 139 eb' 'a smasnil.

^43-54 Eb' tz'a'n cuenta yatut Jehová, atn eb' yin̈tl Ziha, eb' yic Hasufa, eb' yic Tabaot, eb' yic Queros, eb' yic Siaha, eb' yic Padón, eb' yic Lebana, eb' yic Hagaba, eb' yic Acub, eb' yic Hagab, eb' yic Salmai, eb' yic Hanán, eb' yic Gidel, eb' yic Gahar, eb' yic Reaía, eb' yic Rezin, eb' yic Necoda, eb' yic Gazam, eb' yic Uza, eb' yic Paseah, eb' yic Besai, eb' yic Asena, eb' yic Meunim, eb' yic Nefusim, eb' yic Bacbuc, eb' yic Hacufa, eb' yic Harhur, eb' yic Bazlut, eb' yic Mehída, eb' yic Harsa, eb' yic Barcos, eb' yic Sísara, eb' yic Tema, eb' yic Nezía, yet' eb' yic Hatifa.

^55-57 A mach 'ay yin̈tl eb' x'a'n servil Salomón, atn eb' yin̈tl Sotai, eb' yic Soferet, eb' yic Peruda, eb' yic Jaala, eb' yic Darcón, eb' yic Gidel, eb' yic Sefatías, eb' yic Hatil, eb' yic Poqueret-hazebaim, yet' eb' yic Ami.

⁵⁸ A smasnil eb' tz'a'n cuenta yatut Dios yet' eb' yin̈tl eb' ya'mal servil Salomón, 'ay 392 eb' 'a smasnil.

^59-60 Eb' yin̈tl Delaías, yet' eb' yic Tobías, yet' eb' yic Necoda 'ay 652 eb' 'a smasnil. A eb' cha, ma'ix stac' sch'oxn 'el sb'a eb' toto israel eb' yuj yin̈til. Atn eb' xcot 'a Tel-mela, 'a Tel-harsa, 'a Querub, 'a Addán, yet' 'a Imer.

^61-62 A eb' yin̈tl Habaía, eb' yin̈tl Cos yet' eb' yin̈tl Barzilai, 'ix yal eb' to ya'mal 'och sti eb' 'anma yaj eb' 'a Dios. 'Ix sayx 'ilxoc sb'i eb', palta ma'ix 'ilchj junc un̈ 'aj chequel, toto yel 'ixta yaj eb', yuj cha, ma'ix 'ajx yopiso eb' 'a yatut Dios. A win Barzilai cha, ayic 'ix nupn yet' jun 'ix yisl jun win 'aj Galaad, ata scuchcn win Barzilai yujto 'ixta sb'i win sn̈i win cha.

⁶³ Xyaln win gobernador to matz tac' sc'uxn eb' tas to yic Dios yaji, at junc ya'mal 'och sti eb' 'anma 'a Dios 'oj c'anb'noc 'a q'uen Urim yet' 'a q'uen Tumim toto yel yin̈tl eb' ya'mal 'och sti eb' 'anma chi eb'.

^64-67 Junn̈j xyutj sb'a smasnil eb' 'anma cha, 42,360 sb'isl eb'. Chuc pax yaj ewin smoso man̈ yio'oc sb'a yet' pax eb' 'ix ya'mal servil eb', a eb' cha 7,337 sb'isl eb'. Chuc pax yaj chab' ciente eb' winc tzb'itn yet' eb' 'ix 'ix. Ax pax no noc' yet' eb', 'ay 736 no cawyu chej, 245 no mula, 435 no cameyo, yet' 6,720 no b'uru.

⁶⁸ 'Ay jun tzo'n̈ eb' yajl yaj 'a yib'n̈ eb' yican, a yic xjaw eb' 'a yatut Jehová 'a Jerusalén, 'ix ya'n eb' yofrenda yic tzb'ox can chan̈ yatut Dios 'a yet'l xoni.

⁶⁹ A tzyal wal tas tztechj ya'n eb', a 'ix yac' eb' 'a jun mach tzchan colwal yic jun munljel cha. 'Ix yac' eb' 1,030 libra q'uen oro, 5,740 libra q'uen plata, yet' jun ciente jucn pichl yic eb' ya'mal 'och sti eb' 'anma 'a Dios.

⁷⁰ A eb' ya'mal 'och sti eb' 'anma 'a Dios yet' eb' levita, yet' pax eb' chon̈ab', 'ix can cajn eb' 'a Jerusalén, yet' eb' tzb'itni, eb' tan̈m puerta, yet' pax eb' tz'a'n cuenta yatut Dios. Ax smasnil eb' yit israelal eb', 'ix japx can cajn junjn eb' 'a 'aj 'aycn schon̈ab'.