Ef 4 - Chuj San Sebastian Bible

Yuj Yespíritu Dios,*r* junxn̈ej nab'enal tzon̈ 'ajec

¹ An tic, preso waji, yujto tzwac' servil Cajlilec. Tzin tew 'at 'ayex, caw wach' tzeyutj e b'eyb'al. Smoj 'ixta tzeyutj e b'a, yujto a Dios 'awtjnacx 'och yico'oc.

² 'Emmquilal tzlaj eyutc e b'a, wach' tzeyutj e b'a. Tzlaj eyac' techjoc 'a eb' tz'och smul 'ayex. Niwn tzlaj eyutc e c'ojl 'ayx junjn ex. An̈jtona', tzlaj e chamc'ojloc pax e b'a.

³ Yuj Yespíritu Dios, junxn̈ej nab'enal on̈ 'ajec. Yuj cha, tzeyac' 'ip laj e nanoc, sec junc'ojlal tzex 'aji. Toto 'ixta', junxn̈ej tz'aj e nab'en 'a smasnil tiempo.

⁴ Yujto an̈ec tic, 'icha to junn̈j 'anmal cajec. Junn̈j Espíritu 'aych 'ayn̈ec. Junn̈j tas tzca'c 'och yipc qui c'ojol, atn jun 'aj 'awtb'iln̈ec 'ochi.

⁵ Junn̈j Cajlilec. Junn̈j 'aj tzca'c 'och qui c'ojol. Junn̈j 'aj 'ac'b'iln̈ec bautisar.

⁶ An̈jtona', junn̈j Dios, atn qui Mamc qui masnil. A tzon̈ 'a'nec mandar qui masnil. A tzon̈ c'anlb'an junjn on̈ec. A 'aych 'ayn̈ec qui masnil.

⁷ Palta chucchc copiso tz'ajxi, a tzyala tas tzyac' Cristo 'ayn̈ junjn on̈ec.

⁸ Yuj cha, 'ixtc tzyal yab'xil Cristo tic 'a Ch'an̈ U'un̈: 'Ix q'uecn 'a satcha'an̈, xyi'n 'at eb' 'icha preso yaji. Tzya'n siylab' 'a eb' 'anma', xchi.

⁹ Tzwalb't 'ayex, tas tzyal 'el'ch jun tzyal tic, 'ix q'uecn 'a satcha'an̈. Tzyaln pax 'ixtic, yujto a yic mantzac pax q'ue Cristo, 'ix xit' 'ejm 'a yol lu'um.

¹⁰ Xit'nc 'ejmi, an̈jtona spax q'ue 'a caw satcha'an̈, sec wach' tz'acn yaj 'a smasnil tas.

¹¹ Yuj cha, a tz'a'n copiso junjn on̈ec. 'Ayn̈ schecb' caji. 'Ayn̈ tzyac' cal-l spaxti'. 'Ayn̈ tzcal-l wach' 'ab'x yic colnb'il. 'Ayn̈ tz'ajx quil eb' quit creyenteal, tzqui cuyn pax eb'.

¹² 'Ixta tzyutj ya'n copiso junjn on̈ an̈ yic on̈c xo, yic tzca'nec servil, sec 'oj wach' te'nb'oc qui nab'enec, yujto an̈ec tic, 'icha to sniwnal Cristo cajec.

¹³ 'Ixta tzon̈ yutjec, sec wach' qui masnil, jun lajn 'oj cutquec ca'n 'och qui c'ojl 'a 'a. Ax qui wach' 'ojcan 'el Yunnal Dios. Toto 'ixta', 'oj te'nb'oc qui nab'enec. Caw lajn 'oj 'aj qui nab'enec 'icha Cristo, atn jun may jac spaltail.

¹⁴ Yujto tznib'ej, man̈xtoc lajn on̈ 'icha eb' 'unn c'un somchj snab'en. A ticnec, 'ay eb' lajn 'icha junc barco ton̈j tz'eytz'n 'ec' yuj 'ic', yujto ton̈j tzsomchj snab'en eb' yuj jun tzo'n̈ chuc cuynb'ilal tzalx 'a eb'. Ton̈j tz'ixtx paxti eb' yuj jun tzo'n̈ eb' jeln ya'n 'es. A eb' cha, tznib'j eb' tzon̈ yij 'at 'a junc comn b'eyb'al.

¹⁵ Palta an̈ec tic, yowlal an̈j jun tzo'n̈ yel tzcalec, qui ch'oxc qui chamc'ojlal. Yowlal tzon̈ wach' te'nb'iec, sec caw lajnn̈ej tzon̈ 'ajc yet' Cristo. Yujto 'icha qui jolom, 'ixta yaj 'ayn̈ec.

¹⁶ An̈ec xo, 'icha to sniwnal cajec. 'Icha qui niwnalec tic, chachmb'a yaj sch'an̈il, caw wach' yaj junjn tas 'aych 'a 'a, 'ixta cajc yuj Cristo, yujto a tz'a'n quip qui masnil. Wan laj qui munlj junjn on̈ec, sec tzwach' te'nb'i qui nab'enec, sec tzwach' jaw qui chamc'ojlalec.

Tzqui chajec jelmjoc qui nab'en

¹⁷ A jun tzo'n̈ 'oj walb't 'ayx tic, atn schecnb'il Cajlilec. Caw man̈x lajnoc tzeyutj e b'eyb'al 'icha eb' man̈ 'ojtnacoc Dios, yujto a sb'eyb'al eb' cha, caw may yel'chi, nab'an̈ej tzyixtj sb'a eb'.

¹⁸ Ax snab'en eb', caw q'uic'q'uinl yaji. May xon jac sq'uinl eb' tzyac' Dios 'a jun 'ejmn̈ej. Yuj spitl eb', yuj cha, man̈ jac tznachj 'el yuj eb'.

¹⁹ Man̈xtzac q'uixw eb' jab'oc. Toxn̈ej tzwach' 'a'j 'at sb'a eb' 'a 'ajmulal. Ton̈j tzcaw wach' 'a'j 'och eb' snab'en sb'on jantcn̈ej tas maysch'olnil.

²⁰ Palta ax xo, man̈ 'ichcta xeyutj e cuyn sb'eyb'al Cristo.

²¹ Yujto a yab'xil xeyab' cha, xe cuyn sb'eyb'al to tzchaj 'el'ch sb'a yet' jun paxti caw yel ya'jnac Jesús cuyxoc.

²² Ax jun eyichm b'eyb'al, yowlal tze wach' 'actj can 'a jun 'ejmn̈ej. Yujto a jun eyichm b'eyb'al cha, ton̈j tzwach' juw yuj jun tzo'n̈ tas tze nib'j 'ochi.

²³ Yuj cha, yowlal tzwach' b'o e nab'en 'a junjn c'u.

²⁴ Yowlal tze chaj jelmjoc e nab'en, tze chan junx 'a't tzb'o Dios 'icha tznib'ej. Toto 'ixta', tojl 'oj eyutc e b'eyb'al, caw wach'n̈j 'oj eyutc e b'a, 'icha tzyal jun 'ab'x caw yel.

²⁵ Yuj cha, man̈x laj eya'lac 'es. Junjn ex, an̈j wal junc caw yel tzlaj eyal-la'oc, yujto qui masnil, 'icha to junn̈j 'anmal xoj cajec.

²⁶ Toto 'ay 'aj tzlaj cot eyowal, man̈ e b'o junc maysch'olnil yuj jun eyowl cha. Matz tac' an̈j 'ijnoc 'ay cot eyowal tz'ejm c'u.

²⁷ Man̈ eyac' spermiso win diablo sjun 'el e nab'en yuj eyowl cha.

²⁸ Toto 'ayex, an̈ja 'elc'm ex, caw man̈x eyelc' junc tas ticnec. Yel xo wach' tzex munlj 'a junc munljel wach', sec 'oj stac' e colwj pax 'a jun tzo'n̈ xo eb' caw may jac yico'.

²⁹ Man̈x eyal jun tzo'n̈ comn tu paxti'al. Cojn jun tzo'n̈ paxti wach' tzlaj eyala', sec 'oj laj b'o snab'en eb' tz'ab'xni 'ayex, ax swach' 'och ste'nal eb' eyu'uj.

³⁰ Caw man̈ eyac' cus Yespíritu Dios 'aych 'ayx junjn ex. Yujto a x'ajx 'och 'a qui pixn junjn on̈ec, 'icha tz'aj yajx 'och junc seyo 'a junc tas. Yu'uj, cojquec to yic on̈c xo Dios, masnto 'oj jawc junc c'u yic 'oj qui wach' chac qui colnb'ilec.

³¹ Caw tzeyactj can smasnil e chichnc'ojlal, e c'a'lc'ojlal. Man̈ comnoc tzchacb' e sat scot eyowal. An̈jtona', man̈ comnoc tzq'ue eyaw e tumwji. Caw tzeyactj can e b'on jantcn̈ej tas maysch'olnil.

³² Caw wach' tzlaj eyutc e nab'en 'ayx junjn ex. Tzlaj 'o'ch e c'ojl 'ayex. An̈jtona', tzlaj eya'lac niwnc'ojlal 'ayx junjn ex, 'icha xyutj Dios ya'n niwnc'ojlal 'ayn̈ec yuj Cristo.