A Scarta San Pablo D'a Eb' Aj Colosas 2 - Chuj San Sebastian Bible

¹ Tzin nib'ej, tznachj 'el eyu'uj, chajtlto caw tzwac' 'ip ex wa'n servil, yet' eb' 'ay 'a chon̈b' Laodicea. Tzwa'n pax servil jantcn̈ej eb' creyente mant 'a 'aj tzin 'ilni.

² Tzin nib'ej, caw tz'ajx ste'nal e nab'en yet' eb', junxn̈ej tzlaj eyutc e chamc'ojlan e b'a e masnil. Tzin nib'j tzex jelnb'i 'a yic Dios, sec 'oj e wach' te'nb'i. Toto 'ixta', 'oj wach' nachjc 'el eyu'uj, tas yaj jun man̈ 'ojcab'ilc 'a yic pecti', atn Cristo. Ax ticnec, a Dios tz'a'n cojcoquec 'eli.

³ Yujn̈ej Cristo tic, tztac' snachj 'el smasnil sjelnal Dios cujec, yet' jantcn̈ej tas yojtac.

⁴ Tzwalb't jun tzo'n̈ tic 'ayex, sec may mach tzex 'ixtn paxti', yujto 'ay eb' caw jeln tzyutj sb'a yaln yic 'ayex.

⁵ Wach'xam man̈ in 'ayc 'ec' eyet' ta', palta 'icha to caw 'ayn 'ec' eyet'oc. Yuj cha, caw tzin tzalji, yic tzwab'ni to junn̈j tzeyutj e b'a ta', te'n tzeyutj eya'n 'och e c'ojl 'a Cristo.

⁶ Yuj cha, 'icha xeyutj e chan Cajlil Jesucristo, 'ixta tzeyutj e b'eyb'al 'a yol sc'ab' ticnec.

⁷ 'Icha junc te caw 'ay sch'an̈l yib', caw wach' sq'uib'i, 'ixta cab' tzeyutj e nab'en 'a yol sc'ab' Cristo. Caw te'n tzeyutj eya'n 'och e c'ojl 'a 'a, 'icha x'aj yajx e cuyu'. Smasnil tiempo tzlaj eyac' yuj diosal 'a Dios.

Tzyac' Dios qui q'uinlec

⁸ Tzeyil wal e b'a. Man̈ e cha juwc 'el e nab'en yuj jun tzo'n̈ eb' jeln tzyutj yaln yico'. Caw jeln eb' ya'n 'es, palta may jac yel'ch tas tzyal eb' cha, yujto man̈oc 'a Cristo tzcot jun yic eb' cha. An̈j sb'eyb'al yic smam yichm eb' tzyala, yet' jun tzo'n̈ xo cuynb'il yic yolyib'n̈q'uinl tic.

⁹ A Cristo, tz'acn yajch Dios 'a 'a.

¹⁰ Yuj cha, caw tz'acn on̈c xo ticnec, yujto junn̈j cajc yet'oc. A yajl yaj 'a yib'n̈ jantcn̈ej jun tzo'n̈ eb' 'aych yajlil, atn jun tzo'n̈ 'ay spoder ya'n mandar.

¹¹ 'Ac'b'iln̈ec circuncidar ticnec, yujto junn̈j cajc yet' Cristo. Man̈oc jun caw circuncisión yic qui niwnal tic tzwala. Palta on̈ colchjec 'elt 'a yol sc'ab' qui tu nab'enalec. Atn jun tic, tzyal 'el'chi, to on̈ 'ajxec circuncidar yuj Cristo.

¹² A yic on̈ 'ajxec bautisar, junn̈j on̈ 'ajc qui mucx yet' Cristo 'a sat Dios. An̈jtona', pitzwnacn̈ec pax yet'oc, yujto tzca'c 'och qui c'ojl 'a spoder Dios. Yuj spoder cha, 'ix pitzw pax Cristo 'a scal eb' chamnac.

¹³ A 'a yic yalan̈, chamnc ex 'a sat Dios yuj e mul, yuj pax to man̈ ex israeloc, may e circuncisión. Palta ax ticnec, junn̈j xyutj Dios ya'n e q'uinl yet' Cristo. 'Ix ya'n lajwc smasnil qui mulec.

¹⁴ 'Ay jun 'icha b'oc 'aych 'a quib'n̈ec 'a yic yalan̈, yujto ma'ix qui yicljec jun tzo'n̈ ley. Palta a Dios 'ix sucn sat jun 'icha qui b'occ cha. 'Ix yij 'el 'a quib'n̈ec. 'Icha to xlawxax 'och 'a spenc te culus.

¹⁵ A yic xcham Cristo 'a spenc te culs cha, 'ix yac' ganar 'a yib'n̈ jun tzo'n̈ 'aych yajlil, jun tzo'n̈ 'ay spoder ya'n mandar. A 'a sat eb' 'anma', 'ix sch'oxo, to may jac yel'ch eb'. Caw xcan eb' 'a yaln̈ yuj 'a jun 'ejmn̈ej.

Yowlal tzca'c 'at qui nab'en*r* 'a tas 'ay 'a satcha'an̈

¹⁶ Yuj cha, toto 'ay mach tzex b'eyc'ojlan yuj tas tze c'uxu, mto tzeyuq'uej, man̈ e cha yal eb' 'ayex. Toto tznib'j eb' yal 'ayx yuj jun tzo'n̈ sq'uin̈, mto 'a yic tzpac' 'uj, yet' sc'ul 'iljelal, man̈ e cha yal eb' 'ayex.

¹⁷ Smasnil jun tzo'n̈ tic, mayn̈ej yel'chi. Yen̈ln̈ej jun tot 'oj jawoc, atn Cristo, yujto cojn 'ay yel'ch ticnec.

¹⁸ 'Ay eb' tznib'j 'oj 'i'nc 'ec' jun spac eyic 'oj yac' Dios, palta man̈ e cha tas tzyal eb' 'ayex. Caw 'emmquilal tzcob' yutc sb'a eb', tzya'n 'ejm sb'a eb' 'a jun tzo'n̈ ángel. Tzcomn 'a'n 'och sb'a eb' 'a scal jun tzo'n̈ tas man̈ yojcoc. Ton̈j tzcomn b'an̈j sb'a eb', yujto caw jeln eb' snani.

¹⁹ Yuj cha, man̈xtzac ya'ch eb' snab'en 'a Cristo. Palta 'icha qui jolom, 'ixta yaj Cristo 'ayn̈ec. Yujto a tz'a'n quipec, tzon̈ wach' te'nb'iec yu'uj. Yu'uj, caw junn̈j tzon̈ 'ajc qui masnil 'icha tznib'j Dios.

²⁰ A ticnec, chamnc on̈c yet' Cristo 'a sat Dios, man̈x 'a yel'ch jun tzo'n̈ comn cuynb'il yic yolyib'n̈q'uinl tic 'ayn̈ec. Yuj cha, ¿tas yuj an̈j 'ijnoc e b'eylb'an sb'eyb'al eb' yic yolyib'n̈q'uinl tic? ¿Tas yuj an̈ja tzeya'ch e nab'en 'a jun tzo'n̈ comn checnb'il yic eb' 'anma'?

²¹ A jun tzo'n̈ checnb'il chi tzcomn alni to 'ay yowlal junc tas may yowlal yuj Dios. Yujto tzyal 'ixtic: 'Ay jun tzo'n̈ tas matz tac' tzeyama. 'Ay jun tzo'n̈ matz tac' tze c'uxu, matz tac' tzeyam yet' e c'ab', xchi.

²² Palta a jun tzo'n̈ tzalx 'ay yowlal cha, man̈x 'a yel'ch 'ayn̈ec, yujto a jun tzo'n̈ cha, a yic tzqui c'anni, ton̈j tzlajw muc'uc. A jun tzo'n̈ tzalx cha, comn checnb'iln̈ej eb', 'anman̈ej tznan chan̈ jun tzo'n̈ cuynb'il cha.

²³ Yel toni, coynto wach' jun tzo'n̈ checnb'il cha. Tzyalni, to yowlal 'ay junc 'aj tzcalc qui b'a. Yowlal tzquijec 'ejm qui b'a, tzca'nec techjoc yailal yet' qui niwnalec tic. Palta a jun tzo'n̈ cha, may jac yopiso on̈ stennec 'och wan qui b'on maysch'olnil.